08:26, 08 - اقپان 2023 | GMT +5
تۇركياداعى قازاقستاندىقتار زارداپ شەككەندەرگە كومەك قورىن اشتى
استانا. قازاقپارات - تۇركيادا تۇراتىن قازاقستاندىقتار جەر سىلكىنىسىنەن زارداپ شەككەندەرگە كومەك قورىن اشتى، دەپ حابارلايدى قازاقپارات ءتىلشىسى.
قور «شاڭىراق» مەيرامحاناسىنىڭ بازاسىندا ۇيىمداستىرىلعان. قازاقستاندىقتار، ونىڭ ىشىندە مەيرامحانا يەسى دانيار يمانبەكوۆ جينالعان العاشقى قاراجاتقا ازىق-تۇلىك ونىمدەرىن ساتىپ الاتىن بولادى.
بالالارعا كورپە، جاستىق، جىلى كيىم، جورگەك، ازىق-تۇلىك قاجەت ەكەنى ايتىلادى.
بۇدان بۇرىن حابارلانعانداي، قازاقستاندىق قۇتقارۋشىلار گازيانتەپ قالاسىنىڭ ورتالىعىندا ىزدەۋ جۇمىستارىن باستاپ كەتكەن.
تۇركياعا 41 ادامنان تۇراتىن توپ باردى، ونىڭ ىشىندە رەسپۋبليكالىق جەدەل-قۇتقارۋ جاساعىنىڭ قۇتقارۋشىلارىنان بولەك، اپاتتار مەديتسيناسى ورتالىعىنىڭ قىزمەتكەرلەرى دە بار.
