كەدەيلىك شەگى ەندى مەدياندىق تابىس دەڭگەيى ارقىلى انىقتالادى - تامارا دۇيسەنوۆا

استانا. قازاقپارات - قازاقستاندا كەدەيلىك شەگى مەدياندىق تابىس دەڭگەيى ارقىلى انىقتالادى.

بۇل تۋرالى سەناتتا الەۋمەتتىك كودەكستىڭ جوباسىن تانىستىرۋ كەزىندە ق ر ەڭبەك جانە حالىقتى الەۋمەتتىك قورعاۋ ءمينيسترى تامارا دۇيسەنوۆا ايتتى، دەپ حابارلايدى قازاقپارات ءتىلشىسى.

كودەكستىڭ كەلەسى جاڭالىعى - مەملەكەتتىك قولداۋدىڭ جاڭا پاراديگماسى. ول الدىمەن الەۋمەتتىك تاۋەكەلدەردىڭ الدىن الۋ ءۇشىن اتاۋلى شارالاردى، سودان كەيىن عانا الەۋمەتتىك تاۋەكەلدەردىڭ سالدارىمەن كۇرەسۋگە باعىتتالعان اتاۋلى كومەكتى كوزدەيدى.

بۇل رەتتە الەۋمەتتىك كودەكستە بالالارى بار وتباسىلاردى الەۋمەتتىك قولداۋدىڭ قوسىمشا شارالارى كوزدەلگەن: بالا كۇتىمى بويىنشا تولەمدەردىڭ مەرزىمىن 1,5 جاسقا دەيىن ۇزارتۋ (500 مىڭنان استام انانى قامتيدى)؛ ۇلتتىق قوردىڭ ينۆەستيتسيالىق تابىسىنىڭ %50 ىن 18 جاسقا دەيىنگى بالالارعا ارنالعان باستاپقى كاپيتال رەتىندە ەنگىزۋ (6 ميلليوننان استام بالانى قامتيدى)؛ 6 دان كوپ بالانى دۇنيەگە الىپ كەلگەن انالارعا ناگرادتالعان انا دەگەن جاڭا مارتەبە قارالىپ، جاردەماقى مولشەرىن ۇلعايتۋ (250 مىڭنان استام انانى قامتيدى).

«تاعى ءبىر ماڭىزدى وزگەرىس - 2025 -جىلدان باستاپ اتاۋلى الەۋمەتتىك كومەك تاعايىنداۋ ءۇشىن كەدەيلىك شەگى ەڭ تومەنگى كۇنكورىس دەڭگەيىنىڭ ورنىنا مەدياندىق تابىس دەڭگەيى ارقىلى انىقتالادى. بۇل رەتتە ەكونوميكالىق ىنتىماقتاستىق جانە دامۋ ۇيىمىنىڭ تاجىريبەسى زەردەلەندى. وسى ۇيىمعا كىرەتىن 8 مەملەكەت وسى ءتاسىلدى پايدالانىپ كەلەدى»، - دەدى تامارا دۇيسەنوۆا.

بۇدان بۇرىن حابارلانعانداي، مينيستر وتباسىنىڭ سيفرلىق كارتاسى جايىندا ءتۇسىندىردى.