اسحات ايماعابەتوۆ «امانات» پارتياسىنىڭ ءماجىلىس سايلاۋىنا ۇمىتكەرلەر تىزىمىنە ەندى
سەزد دەلەگاتتارى پارتيا اتىنان ءماجىلىس سايلاۋىنا ۇسىنىلاتىن كانديداتتار ءتىزىمىن ءبىراۋىزدان ماقۇلدادى. سولاردىڭ ىشىندە اسحات ايماعامبەتوۆ تە بار.
ايتا كەتەيىك، سەزد بارىسىندا سويلەگەن سوزىندە اسحات ايماعامبەتوۆ 21 جاستا جەرگىلىكتى ءماسليحات دەپۋتاتىنىڭ مانداتىن قالاي اتقارعانىن ەسكە الدى.
«مەن بۇل ۋاقىتتا ەكى ماسەلەنى ءتۇسىندىم. ءبىرىنشىسى - جالعىز دەپۋتات ۇلكەن، جۇيەلى ماسەلەلەردى شەشە المايدى. «جالعىزدىڭ ءۇنى شىقپايدى»، - دەيدى عوي. ەكىنشى ماسەلە - ەلىمىزدە ۇلكەن، ساياسي ترانسفورماتسيا بولماسا، وندا بۇل باستامالار بەكەر، ۇلكەن جۇيەلى ماسەلەلەر شەشىلمەيدى. قازىرگى ۋاقىتتا، مەنىڭ ويىمشا، ەلىمىزدە ۇلكەن وزگەرىستەر ورىن الىپ جاتىر. وسى وزگەرىستەردىڭ ءبىر زاڭدى جالعاسى رەتىندە قازىر بولايىن دەپ جاتقان سايلاۋدى كورەمىن. وسى سايلاۋ ءبىزدىڭ ەلىمىزدى تۇبەگەيلى وزگەرتۋگە مۇمكىندىكتەر بەرەدى دەپ ويلايمىن. وزگەرىستەر تۋرالى كوپ ايتامىز. ءبىراق سول وزگەرىستەر بولۋ ءۇشىن بىزگە سەنىم پايدا بولۋ كەرەك. ال سەنىم پايدا بولۋى ءۇشىن ناقتى ىستەر كەرەك. حالقىمىز ءار ءتۇرلى بوس ۇرانداردان، ءار ءتۇرلى ادەمى جوسپارلاردان، ءار ءتۇرلى ادەمى سلايدتاردان شارشادى. ناقتى ىسپەن دالەلدەۋ كەرەك»، - دەدى اسحات ايماعامبەتوۆ.
اۆتور
ەسىمجان ناقتىباي
