تاۋارلاردىڭ كولەمى مەن باعاسىن ەرەكشە باقىلاۋدا ۇستاۋ قاجەت - ۇكىمەت باسشىسى
«بىرىنشىدەن، ساۋدا مينيسترلىگى ساتىپ الىناتىن جانە ساتىلاتىن تاۋارلاردىڭ كولەمى مەن باعاسىن ەرەكشە باقىلاۋدا ۇستاسىن. ەكىنشىدەن، ءوڭىر اكىمدىكتەرى نارىقتاعى تۇراقتىلىقتى قامتاماسىز ەتۋگە ارنالعان تاۋارلاردى تەك قانا كاسسالىق اپپاراتتاردى قولداناتىن ساۋدا وبەكتىلەرىندە ساتۋدى ىسكە اسىرۋى ءتيىس»، - دەدى ءاليحان سمايىلوۆ ۇكىمەت وتىرىسىندا.
وسى رەتتە پرەمەر-مينيستر ءوڭىر اكىمدىكتەرى بارلىق اۋدانداردى قامتي وتىرىپ، جارمەڭكەلەردى وتكىزۋدى تۇراقتى تۇردە جالعاستىرۋى كەرەكتىگىن ەسكەرتتى.
«ۇشىنشىدەن، اۋىل شارۋاشىلىعى مينيسترلىگى ۇلگىلىك قاعيدالارمەن قابىلدانعان جاڭا تاسىلدەردى ىسكە اسىرۋدى ساپالى تۇردە اكىمشىلەندىرۋدى قامتاماسىز ەتۋى ءتيىس. سونداي-اق، فورۆاردتىق ساتىپ الۋ شارتىنىڭ ءبىرىڭعاي فورماتىن ازىرلەۋ كەرەك. وندا باعا بەلگىلەۋ، تاۋار كولەمى، قارسى مىندەتتەمەلەر مەن ايىپپۇل سانكسيالارىنىڭ مىندەتتى شارتتارى كورسەتىلۋى كەرەك»، - دەدى ول.
