قازاقستان تۇركياعا شۇعىل تۇردە قۇتقارۋشىلار مەن دارىگەرلەر جىبەرەدى

استانا. قازاقپارات - مەملەكەت باسشىسى تۇركيا پرەزيدەنتى رەجەپ تايپ ەردوعانمەن تەلەفون ارقىلى سويلەستى، دەپ حابارلايدى قازاقپارات اقوردانىڭ رەسمي سايتىنا سىلتەمە جاساپ.

تەلەفون ارقىلى سويلەسۋ بارىسىندا پرەزيدەنت قاسىم-جومارت توقايەۆ تۇركيانىڭ بىرنەشە پروۆينتسياسىندا بولعان جويقىن ءزىلزالا سالدارىنان كوپتەگەن ادامنىڭ قازا تابۋىنا بايلانىستى رەجەپ تايپ ەردوعانعا قايعىرا كوڭىل ايتتى.

مەملەكەت باسشىسى تۇركيانىڭ زارداپ شەككەن اۋداندارىنداعى ىزدەستىرۋ-قۇتقارۋ جۇمىستارىنا كومەكتەسۋ ءۇشىن قازاقستان شۇعىل تۇردە قۇتقارۋشىلار مەن دارىگەرلەر جىبەرەتىنىن، سونداي-اق باۋىرلاس ەلگە گۋمانيتارلىق كومەك كورسەتۋگە دايىن ەكەنىن جەتكىزدى.

ايتا كەتەيىك، مەملەكەت باسشىسى قاسىم-جومارت توقايەۆ تۇركيا پرەزيدەنتى رەجەپ تايپ ەردوعانعا كوڭىل ايتتى جانە ۇكىمەتكە تۇركياعا شۇعىل كومەك كورسەتۋدى تاپسىردى.

س ءى م مالىمەتى بويىنشا، قازىرگى ساتكە دەيىن وندا قازاقستان ازاماتتارى زارداپ شەكتى دەگەن اقپارات كەلىپ تۇسكەن جوق.