جەڭىلدەتىلگەن اۆتونەسيەگە ۇكىمەتتەن قوسىمشا قاراجات سۇراۋىمىز مۇمكىن - رينات گاپپاروۆ

استانا. قازاقپارات - «ونەركاسىپتى دامىتۋ قورى» ا ق باسقارما ءتوراعاسىنىڭ ورىنباسارى رينات گاپپاروۆ ۇكىمەتكە جەڭىلدەتىلگەن اۆتونەسيە جوباسىنىڭ سوماسىن ۇلعايتۋ تۋرالى ۇسىنىس جولداۋلارى مۇمكىن ەكەنىن ايتتى، دەپ حابارلايدى قازاقپارات ءتىلشىسى.

«ءبىز ۇكىمەتكە مىنانى ۇسىنامىز. جەڭىلدەتىلگەن اۆتونەسيەگە دەگەن ەل ىشىندەگى سۇرانىس قازىر ءبولىنىپ وتىرعان سومادان جوعارى ەكەنىن جەتكىزەمىز. ەسىڭىزدە بولسا، بىلتىر 100 ميلليارد تەڭگە بولىنگەن بولاتىن. قازىر سول اقشا ريەۆولەرلىك جۇيە بويىنشا يگەرىلىپ جاتىر»، - دەدى ول.

سونداي-اق، ول بۇگىنگى ءوتىنىم قابىلداۋ شاراسىنىڭ قورىتىندىسى بويىنشا ۇكىمەتكە ەسەپ بەرەتىندەرىن اتاپ ءوتتى.

«ءوتىنىمدى جازباشا بەرۋىمىز دە مۇمكىن. بۇگىنگى شارانىڭ قورىتىندىسىن جاساپ، ستاتيستيكاسىن ازىرلەيمىز. ۇكىمەتكە ەسەپ بەرەتىن شىعارمىز. سول جەردە 125 مىڭنان استام ادام اۆتونەسيە رەسىمدەۋگە نيەت بىلدىرگەنىن ايتامىز. اقشا سۇرايتىن بولساق، ونى قانداي دا ءبىر دەرەكتەرمەن دالەلدەۋىمىز كەرەك قوي. سول ءۇشىن ستاتيستيكانى قالىپتاستىرامىز. 125 مىڭ ادامنىڭ قالاۋىن تۇگەل ورىنداۋ ءۇشىن ءار وتىنىمگە 10 ميلليون تەڭگە دەگەندە، كەمىندە 1 تريلليون 250 ميلليارد تەڭگە قاجەت. بيۋجەتتىڭ ونداي مۇمكىندىگى بار ما؟ بالكىم ءىشىنارا قاناعاتتاندىرۋ قاجەت بولار. بۇگىنگى بريفينگىدە كەيبىر ارىپتەستەرىڭىز جاپپاي قازاقستاندىقتاردى قاتىستىرماي، جەكەلەگەن ساناتتارعا جەڭىلدەتىلگەن اۆتونەسيە بەرۋ كەرەك دەگەن ۇسىنىس ايتىپ قالدى. ول تۋرالى دا ويلانۋعا بولاتىن سياقتى. مىسالى، الەۋمەتتىك تۇرعىدا از قامتىلعاندار مەن تۇڭعىش رەت كولىكتى بولعىسى كەلەتىندەر دەگەن سياقتى ساناتتارعا نەسيە بەرۋ جاعىن ويلاستىرۋعا بولادى»، - دەدى رينات گاپپاروۆ.

وسىعان دەيىن اۆتوكرەديت ءوتىنىمىن بۇگىن تىركەپ ۇلگەرگەندەر 60 كۇننىڭ ىشىندە كولىك الاتىنى حابارلاندى.