قارجى ءمينيسترى نازاربايەۆ زياتكەرلىك مەكتەپتەرىن قارجىلاندىرۋ ءتارتىبى وزگەرەتىنىن ايتتى

استانا. قازاقپارات – ق ر پرەمەر- ءمينيسترىنىڭ ءبىرىنشى ورىنباسارى - قارجى ءمينيسترى ەرۇلان جاماۋبايەۆ الداعى ۋاقىتتا نازاربايەۆ زياتكەرلىك مەكتەپتەرى مەن نازاربايەۆ ۋنيۆەرسيتەتى شىعىندارىن ارنايى ەنداۋمەنت- قور جاباتىنىن ايتتى، دەپ حابارلايدى قازاقپارات ءتىلشىسى.

«جىل سايىن رەسپۋبليكالىق بيۋدجەتتەن نازاربايەۆ زياتكەرلىك مەكتەپتەرى مەن نازاربايەۆ ۋنيۆەرسيتەتىن قارجىلاندىرۋ ازايىپ كەلەدى. وسى ورايدا، ارنايى ەنداۋمەنت- قور قۇرۋ قاراستىرلعان جانە وسى تۇرعىدا قارجىلاندىرۋ ىسكە اسىرىلادى. Jusan Bank اتالعان ءبىلىم بەرۋ مەكەمەلەرىن تىكەلەي قارجىلاندىرۋى ءتيىس دەگەن تۇجىرىم مۇلدە دۇرىس ەمەس. بىرىنشىدەن، Jusan Bank باسقا دا ەكىنشى دەڭگەيلى بانكتەر سياقتى كوممەرتسيالىق باعىتتا قىزمەت ەتەدى. ياعني، حالىقتىڭ قاراجاتىن تارتادى، ءوزىنىڭ كاپيتالىن قۇرادى، ەكونوميكاعا نەسيە بولەدى. ءوزىنىڭ تابىسى ەسەبىنەن اكسيونەرلەر ديۆيدەنتتەرى وسەدى. ال اكسيونەرلەر ءوز قاراجاتىن ەنداۋمەنت- قور اياسىندا نازاربايەۆ زياتكەرلىك مەكتەپتەرىنە باعىتتاي الادى. سوندىقتان Jusan Bank-تەن تىكەلەي قارجىلاندىرۋ بولماۋى كەرەك»، - دەدى ەرۇلان جاماۋبايەۆ سەناتتا تىلشىلەر سۇراعىنا جاۋاپ بەرە وتىرىپ.

سونىمەن قاتار ول قازىرگى كەزدە اتالعان نارىقتا تۇراقتى جۇمىس ىستەپ جاتقانىن ايتتى.

«اتالعان وقۋ ورىندارىنا بولىنگەن قاراجاتتىڭ باسىم بولىگى رەسپۋبليكالىق بيۋدجەت ەسەبىنەن قاراستىرىلىپ كەلدى. بولاشاقتا وقۋ ورىندارىنىڭ شىعىندارىن تولىقتاي اتالعان قور جاباتىن بولادى»، - دەدى مينيستر.

اۆتور

رۋسلان عابباسوۆ