مەملەكەت باسشىسىنا قازاقستانداعى كاسىپكەرلىك بەلسەندىلىكتىڭ جاي-كۇيى تۋرالى ۇلتتىق بايانداما ۇسىنىلدى

قۇجاتتا كاسىپكەرلىكتى دامىتۋدىڭ نەگىزگى ينديكاتورلارى، «اتامەكەن» ۇ ك پ قىزمەتىنىڭ قورىتىندىسى جانە بيزنەستىڭ ماسەلەلەرىن شەشۋ جونىندەگى شارالار قامتىلعان.

بايانداماعا سايكەس، 2021-جىلدىڭ قورىتىندىسى بويىنشا شاعىن جانە ورتا كاسىپكەرلىكتىڭ (شوك) ۇلەسى 33,5 پايىزدى قۇرادى. بۇل كورسەتكىشتىڭ نەگىزگى بولىگى شاعىن كاسىپكەرلىك سۋبەكتىلەرىنە تيەسىلى. ولاردىڭ ج ءى ءو- دەگى ۇلەسى - 26,8 پايىز. 2015-جىلدان 2020-جىلعا دەيىن ەلدىڭ ج ءى ءو- دەگى شاعىن جانە ورتا كاسىپكەرلىكتىڭ ۇلەسى 24,9 پايىزدان 32,8 پايىزعا دەيىن ارتتى. كاسىپكەرلىكتى دامىتۋ جونىندەگى ۇلتتىق جوبانى ىسكە اسىرۋ اياقتالعاننان كەيىن ج ءى ءو- دەگى شوك ۇلەسى 2025-جىلعا قاراي 35 پايىزعا دەيىن وسۋگە ءتيىس.

قازىرگى ۋاقىتتا جۇمىس ىستەپ تۇرعان شاعىن جانە ورتا كاسىپكەرلىك سۋبەكتىلەرىنىڭ سانى 1,4 ميلليونعا (ءوسىم 5,5 پايىز) جەتتى. ولار 3,5 ميلليون ادامدى جۇمىسپەن قامتىپ وتىر (ءوسىم 1,1 پايىز).

2021-جىلى شاعىن جانە ورتا كاسىپكەرلىك سۋبەكتىلەرىندەگى ەڭبەك ونىمدىلىگى 20 پايىزعا ءوسىپ، ءبىر ادامعا شاققاندا 8 ميلليون تەڭگەگە جەتتى.

ايماق بويىنشا 2021-جىلى شاعىن جانە ورتا كاسىپكەرلىكتىڭ جالپى وڭىرلىك ونىمدەگى ەڭ كوپ ۇلەسى استانا (ج ءو ءو- ءنىڭ 59 پايىز)، الماتى (47,5 پايىز) جانە شىمكەنت (40,5 پايىز) قالالارىندا بايقالدى.

مەملەكەتتىك قولداۋ شارالارىنىڭ ناتيجەسىندە بىلتىرعى 1- قازانداعى مالىمەت بويىنشا 5200 جاڭا كاسىپورىن اشىلدى. شاعىن جانە ورتا كاسىپكەرلىك سۋبەكتىلەرى ءۇشىن 47,7 مىڭ قۇجات ازىرلەنىپ، دايىندالدى. قۇنى 119,6 ميلليارد تەڭگە بولاتىن 48,5 مىڭ جوباعا قولداۋ كورسەتىلدى. 16,9 مىڭ كاسىپكەردىڭ بيزنەسى كەڭەيتىلدى.

كاسىپكەرلىك قىزمەت سالاسىنا جاڭا رەتتەۋشى ساياساتتى ەنگىزۋ اياسىندا «اتامەكەن» پالاتاسى مەن ۇكىمەت جاڭا رەتتەۋشى ساياساتتىڭ نەگىزگى شارتتارىنا ساي كەلمەيتىن 9560 تالاپتى انىقتادى.

«باسىنان باستاپ رەتتەۋ» رەفورماسى بيزنەستىڭ جۇكتەمەسىن ورتا ەسەپپەن 30 پايىزعا ازايتۋعا جانە وڭتايلى ءارى تۇسىنىكتى رەتتەۋشى ورتا قالىپتاستىرۋعا مۇمكىندىك بەرەدى.

سونىمەن قاتار باياندامادا كاسىپكەرلىك قىزمەتتىڭ دامۋىنا ۇساق جانە شاعىن بيزنەس سۋبەكتىلەرىن تەكسەرۋگە جاريالانعان موراتوريي وڭ ىقپال ەتەتىنى ايتىلعان. اتالعان شارا وسى جىلدىڭ سوڭىنا دەيىن ۇزارتىلعان.

قاسىم-جومارت توقايەۆتىڭ تاپسىرماسىنا سايكەس كاسىپكەرلەردى نەگىزسىز تەكسەرۋلەردەن قورعاۋ جانە بيزنەستى قىلمىستىق پروتسەسكە زاڭسىز تارتۋدى بولدىرماۋ ءۇشىن كەشەندى شارالار قابىلداندى. باس پروكۋراتۋرا 2023-جىلعا ارنالعان بيزنەستى قورعاۋ جونىندەگى بىرلەسكەن ءىس-قيمىلداردىڭ كەشەندى جوسپارىن بەكىتتى.

2022-جىلى «اتامەكەن» ۇلتتىق كاسىپكەرلەر پالاتاسى قىزمەتىن ترانسفورماتسيالاۋ ءىسى قولعا الىندى. پالاتا ءوز جۇمىسىندا ۇساق جانە شاعىن بيزنەستى قولداۋعا باسا ءمان بەرەدى.