پرەزيدەنت «سوكولوۆ» كەن ورنىنىڭ جۇمىسىمەن تانىستى
بۇل تۋرالى قازاقپارات اقورداعا سىلتەمە جاساپ حابارلايدى.
مەملەكەت باسشىسىنا س س ك ءو ب كاسىپورنىنىڭ ەۋروپاعا ەكسپورتتالاتىن ونىمدەرىن كەڭەيتۋ جوسپارى تۋرالى مالىمەت بەرىلدى.
كاسىپورىن قىزمەتىنىڭ نەگىزگى تۇرلەرى - تەمىر رۋدالارىن اشىق جانە جەر استىندا ءوندىرۋ، قۇرامىندا تەمىرى بار شەكەمتاستار مەن كونتسەنتراتتار جانە تاۋارلىق دولوميت ءوندىرۋ. 2022 -جىلدىڭ قورىتىندىسى بويىنشا 26 ميلليون توننا كەن ءوندىرىلدى، تاۋار ءونىمىنىڭ كولەمى 10 ميلليون توننادان استى.
كەن ورنىندا پرەزيدەنتكە «ەۋرازيالىق توپ» ج ش س- ءنىڭ باسقارما ءتوراعاسى سەرىك شاحاجانوۆ ىستىق بريكەتتەلگەن تەمىر ءوندىرىسى جوباسىن جانە كەن ورنىن باسقارۋدىڭ اۆتوماتتاندىرىلعان جۇيەسىن تانىستىردى.
سونىمەن قاتار، مەملەكەت باسشىسىنا «سوكولوۆ- سارىباي كەن بايىتۋ وندىرىستىك بىرلەستىگىنىڭ» ەۋروپاعا ەكسپورتتايتىن ونىمدەرىن ۇلعايتۋ جوسپارى تۋرالى مالىمەت بەرىلدى.
پرەزيدەنت تاۋ- كەن ءوندىرۋ سەكتورى وتاندىق ەكونوميكانىڭ ءوسىمىن ارتىراتىن نەگىزگى سالانىڭ ءبىرى ەكەنىن اتاپ ءوتتى. مەملەكەت باسشىسى تاۋ- كەن ءوندىرۋ ءىسىن دامىتۋعا قوسقان ۇلەسى ءۇشىن كاسىپورىن جۇمىسشىلارىنا العىس ايتىپ، جۇمىستارىنا تابىس تىلەدى.
فوتو: akorda.kz