يتالياداعى قازاقستاندىق ستۋدەنت قىزدىڭ ءولىمى: س ءى م پىكىر ءبىلدىردى

استانا. قازاقپارات - سىرتقى ىستەر مينيسترلىگى يتالياداعى قازاقستاندىق ستۋدەنت قىزدىڭ ولىمىنە قاتىستى پىكىر ءبىلدىردى، - دەپ حابارلايدى Tengrinews.kz سايتى.

ۆەدومستۆو وكىلدەرى، 27 جاستاعى ستۋدەنتتىڭ جول اپاتىنان قازا تاپقانىن راستادى. بۇگىندە مينيسترلىك ستۋدەنتتىڭ دەنەسىن قازاقستانعا جەتكىزۋ جۇمىستارىمەن اينالىسىپ جاتىر.

ەسكە سالايىق، بۇگىن يتاليادا قازاقستاندىق ستۋدەنت قىز جول اپاتىنان قايتىس بولعانى حابارلانعان بولاتىن. وقيعا 17- قاڭتاردا بولعان. سالەرنو ۋنيۆەرسيتەتىنىڭ 27 جاستاعى دوكتورانتى كوشەدەن ءوتىپ بارا جاتقان. سول كەزدە 20 جاستاعى جۇرگىزۋشى تىزگىندەپ بارا جاتقان Peugeot 308 جۇرگىزۋشىسى ونى جاياۋ جۇرگىنشىلەر جولىندا قاعىپ كەتكەن.

جول اپاتى ستانيسلاو ليستا كوشەسىندە، دجۋزەپپە ۆەردي وپەرا تەاترىنىڭ ماڭىندا بولعان.