ءماجىلىس پەن ءماسليحاتتار دەپۋتاتتارىن سايلاۋعا قانشا قاراجات جۇمسالادى

«سايلاۋلاردى وتكىزۋگە بولىنگەن قاراجات تۋرالى بۇعان دەيىنگى اقپاراتقا قوسىمشا مىنانى حابارلايمىز. رەسپۋبليكا كونستيتۋتسياسىنا ەنىزىلگەن وزگەرىستەرگە سايكەس، مەملەكەت باسشىسى 2022 -جىلعى 1- قىركۇيگەكتەگى جولداۋىندا 2023 -جىلدىڭ ءبىرىنشى جارتىجىلدىعىندا ءماجىلىس پەن بارلىق دەڭگەيدەگى ءماسليحاتتاردىڭ كەزەكتەن تىس سايلاۋىن وتكىزۋدى تاپسىردى»، - دەپ اتاپ وتەدى مينيسترلىكتەن.

ۆەدومستۆونىڭ ناقتىلاي تۇسۋىنشە، 2023-2025 -جىلدارعا ارنالعان رەسپۋبليكالىق بيۋدجەت جوباسىن قاراستىرۋ بارىسىندا ءماجىلىس پەن بارلىق دەڭگەيدەگى ءماسليحاتتار دەپۋتاتتارى سايلاۋىن وتكىزۋگە 33,4 ميلليارد تەڭگە قاراستىرىلعان. بۇل قاراجات 2023 -جىلعا ءبولىنىپ وتىر.

«اتالعان شىعىس سايلاۋدىڭ ارالاس جاڭا جۇيەسىن ەنگىزۋدى ەسكەرە وتىرىپ ەسەپتەلىنگەن: پارتيالىق ءتىزىم بويىنشا ساياسي پارتيادان، ءبىر مانداتتى اۋماقتىق سايلاۋ وكرۋگىنەن»، - دەپ تۇسىندىرەدى قارجى مينيسترلىگىنەن.

اۆتور

مارلان جيەمباي