ق ر س ءى م تايلاند پەن ميانمادا قۇلدىقتا جۇرگەن قازاقستاندىقتار تۋرالى مالىمەتتەردى انىقتاۋدا

استانا. قازاقپارات – ق ر سىرتقى ىستەر ءمينيسترى ب ا ق وكىلدەرىنە تايلاند پەن ميانما ەلدەرىندە قۇلدىققا تاپ بولعانى تۋرالى مالىمدەگەن قازاقستاندىقتاردىڭ جاعدايى تۋرالى مالىمەت بەردى، دەپ حابارلايدى قازاقپارات ءتىلشىسى.

«ول ازاماتتار بويىنشا قازىر جۇمىستى جالعاستىرۋدامىز. تايلان، ميانما ەلدەرىنىڭ سىرتقى ىستەر مينيسترلىكتەرىمەن بايلانىستا. وزدەرىڭىز بىلەتىندەي، بۇل - حالىقارالىق- كريمينالدىق توپتاردىڭ ءىسى. «بۇل «التىن ءۇشبۇرىش» دەپ اتالاتىن جەر. ول جەردە بيلىك تە جوق، بايلانىس تا جوق.»، - دەدى ءس ءى م رەسمي وكىلى.

ايبەك سمادياروۆتىڭ ايتۋىنا قاراعاندا، ازىرگە ەكى ازاماتتان عانا رەسمي ءوتىنىش تۇسكەن.

«قازىر ءبىزدىڭ ازاماتتار سول جەردە. ەكى ازامات بىزگە ءوتىنىش ءبىلدىردى. تەكسەرىلمەگەن اقپاراتتار بويىنشا تاعى باسقا ازاماتتار بار دەپ ەستىپ جاتىرمىز. ولارعا ايتارىمىز، ءبىزدى ەستىپ جاتسا، سىزدەردى وقىپ جاتسا، اتى- جوندەرىن ناقتى اتاپ، وزدەرى تۋرالى مالىمەت بەرسىن، قورىقپاسىن»، - دەدى مينيسترلىك وكىلى.