زاڭ بويىنشا ەلدىڭ بۇرىنعى پرەزيدەنتىنىڭ جەكە باسىنا تيىسۋگە، ار- وجدانىنا قول سۇعۋعا بولمايدى - مينيستر

None
استانا. قازاقپارات – ق ر ادىلەت مينيسترلىگى زاڭناماداعى ەلباسىعا بايلانىستى نورمالاردى تۇزەتۋ جونىندە ۇسىنىس ازىرلەيدى.

بۇل تۋرالى ۆەدومستۆو باسشىسى پارلامەنت پالاتالارىنىڭ بىرلەسكەن وتىرىسىنان كەيىن ب ا ق وكىلدەرىنىڭ سۇراعىنا بەرگەن جاۋابىندا ايتتى، دەپ حابارالايدى قازاقپارات ءتىلشىسى.

«عىلىمي، الەۋمەتتىك، مادەني باعىتتاعى جانە باسقا دا سالالىق زاڭداردا ءتيىستى نورمالار كوزدەلگەن. قازىر بۇل ماسەلەنى كەشەندى تۇردە قاراپ، پىسىقتايمىز. سودان كەيىن ءتيىستى ۇسىنىستارمەن شىعامىز»، - دەدى مينيستر.

ونىڭ ايتۋىنا قاراعاندا، قولدانىستاعى پرەزيدەنت تۋرالى كونستيتۋتسيالىق زاڭ ەكس- پرەزيدەنتتەرگە كەپىلدىكتەر بەرەدى.

«بىرىنشىدەن، ولار الەۋمەتتىك قامسىزداندىرۋ، ەكس- پرەزيدەنتتىڭ كۇزەتى، كولىك قىزمەتىن كورسەتۋ جونىندە، قىزمەتتىك ساياجاي مەن پاتەر بويىنشا ناقتى نورمالار قاراستىرىلعان. ەكس- پرەزيدەنتتىڭ جەكە باسىنا، ونىڭ ار- وجدانى مەن مارتەبەسىنە قول سۇعۋعا بولمايدى جانە ونداي قول سۇعۋ زاڭمەن قۋدالانادى»، - دەدى مينيستر.

اۆتور

ەسىمجان ناقتىباي

سوڭعى جاڭالىقتار