پارلامەنت ەلباسى تۋرالى قۇجاتتىڭ كۇشىن جوياتىن كونستيتۋتسيالىق زاڭدى قابىلدادى

11- قاڭتار كۇنى ءماجىلىس ءتوراعاسى ق ر پارلامەنتى پالاتالارىنىڭ بىرلەسكەن وتىرىسىن شاقىرۋ تۋرالى وكىمگە قول قويدى.

وتىرىستا «ق ر تۇڭعىش پرەزيدەنتى - ەلباسى تۋرالى» كونستيتۋتسيالىق زاڭنىڭ كۇشى جويىلدى دەپ تانۋ تۋرالى» كونستيتۋتسيالىق زاڭ جوباسى ەكى وقىلىمدا قارالدى.

11- قاڭتار كۇنى ءماجىلىستىڭ جالپى وتىرىسىندا اتالمىش زاڭ جوباسى بويىنشا بىرلەسكەن كوميسسيانىڭ قۇرامىنا ەنەتىن دەپۋتاتتار ىرىكتەلگەن بولاتىن.

وسىلايشا ماجىلىستەن بەكجانوۆ بەرىك ايداربەك ۇلى، ەرۋبايەۆ سەرىك سارسەن ۇلى، سمايلوۆ ەرلان ۆالەري ۇلى كوميسسيا قۇرامىنا كىردى.

ال 12- قاڭتاردا سەنات دەپۋتاتتارى بىرلەسكەن كوميسسيانىڭ مۇشەلەرىن سايلادى.

ناتيجەسىندە اتالعان كوميسسيانىڭ قۇرامىنا سەناتورلار ۆلاديمير ۆولكوۆ، سۇلتانبەك ماكەجانوۆ جانە دۇيسەنعازى مۋسين ەندى.

بىلتىر جىل اياعىندا ءماجىلىس ءتوراعاسى ە. قوشانوۆ اتالعان زاڭنىڭ كۇشىن جويۋ ماسەلەسى پارلامەنتتە 2023 -جىلدىڭ باسىندا قارالاتىنىن ايتقان ەدى.

«سول زاڭدا كورسەتىلگەن ارتىقشىلىقتاردىڭ بارلىعى كۇشىن جويادى. ءبىرىنشى پرەزيدەنتكە دە، بولاشاق پرەزيدەنتتەرگە دە ەكس- پرەزيدەنتكە قاتىستى نورمالار بىردەي قولدانىلادى. ەگەر زاڭ كۇشىن جويسا، وندا قاراستىرىلعان يممۋنيتەتتىڭ زاڭدى كۇشى بولمايدى»، - دەدى ءماجىلىس سپيكەرى.

2022 -جىلدىڭ باسىندا سەنات مەملەكەتتىك باستامالاردى ەلباسىمەن كەلىسۋ قاجەتتىلىگىن جويۋدى ۇسىنعان.

بىلتىرعى 2- اقپاندا پارلامەنت ەلباسى تۋرالى زاڭعا تۇزەتۋدى قابىلدادى.

ال كەشە، 12- قاڭتار كۇنى نۇرسۇلتان نازاربايەۆتىڭ «قۇرمەتتى سەناتور» مارتەبەسى جويىلدى.

اۆتور

ەسىمجان ناقتىباي