مينيسترلىك شەتەلدەن اكەلىنگەن كولىكتەردى زاڭداستىرۋ ءتارتىبىن جاريالادى

None
استانا. قازاقپارات – ب ا ق وكىلدەرىنىڭ قاتىسۋىمەن وتكەن بريفنگتە اكىمشىلىك پوليتسيا كوميتەتى ءتوراعاسىنىڭ مىندەتىن اتقارۋشى قايسار سۇلتانبايەۆ شەتەلدىك كولىكتەردى زاڭداستىرۋ ءتارتىبى تۋرالى ايتىپ بەردى، دەپ حابارلايدى قازاقپارات ءتىلشىسى.

ونىڭ ايتۋىنشا، ازاماتتار زاڭداستىرۋ تۋرالى ءوتىنىشتى egov.kz پورتالى ارقىلى نەمەسە ارنايى ح ق ك و- لارعا بارىپ بەرە الادى. ورتالىقتاردا كولىكتەردى تىركەۋگە نيەتتى كولىك يەلەرىنەن عانا قۇجات قابىلدايتىن ارنايى سەكتورلار ۇيىمداستىرىلادى.

ارنايى ح ق ك و- لارعا بارعان كولىك يەلەرىنەن تالاپ ەتىلەتىن 4 قۇجات:

- زاڭداستىرۋ تۋرالى ءوتىنىش؛

- ءوتىنىش بەرۋشىنىڭ جەكە باسىن كۋالاندىراتىن قۇجات؛

- كولىك قۇرالىنىڭ پاسپورتى نەمەسە كولىك قۇرالىن تىركەۋ تۋرالى كۋالىك؛

- كولىك قۇرالىنا مەنشىك قۇقىعىن راستايتىن قۇجات.

قايسار سۇلتانبايەۆتىڭ مالىمەتىنشە، ءوتىنىش پەن قۇجاتتاردى تاپسىرعان سوڭ سايكەستەندىرۋ نومىرلەرىن تەكسەرۋ ماقساتىندا كولىك ارنايى حالىققا قىزمەت كورسەتۋ ورتالىعىنداعى تەكسەرۋ پۋنكتىنە تاپسىرىلادى. بۇل جۇمىستى ىشكى ىستەر ورگاندارىنىڭ ساراپشى- كريميناليستى جۇرگىزەدى.

ءتيىستى پروتسەدرۋلار اياقتالعاننان كەيىن 2 كۇن ىشىندە جاۋاپتى ورگان اۆتوكولىكتى زاڭداستىرۋعا بولاتىنى نەمەسە رۇقسات ەتىلمەيتىنى تۋرالى شەشىم قابىلدايدى. ياعني، بۇل ارالىقتا قىزمەتكەرلەر كولىكتى ۇقك- نىڭ شەكارا قىزمەتى، مەملەكەتتىك كىرىستەر ورگاندارى جانە ينتەرپولدىڭ بازالارى ارقىلى تەكسەرەدى.

ەسكە سالا كەتەيىك، شەتەلدىك كولىكتەردى زاڭداستىرۋ 23 -قاڭتاردا باستالىپ، 1- شىلدەگە دەيىن جالعاسادى.

اۆتور

ءاليحان اسقار

سوڭعى جاڭالىقتار