قازاقستان يران مەن مىسىرعا استىق ساتىپ، كوكونىس يمپورتتاۋى مۇمكىن

None
استانا. قازاقپارات - ساۋدا جانە ينتەگراتسيا ۆيتسكە-ءمينيسترى جانەل كۋشۋكوۆا قازاقستان استىعىن يران مەن مىسىرعا ساتۋدىڭ جولىن قاراستىرىلپ جاتقانىن ايتتى، دەپ حابارلايدى قازاقپارات ءتىلشىسى.

«ءبىز وتاندىق ونىمدەردىڭ ساتىلىم نارىعىن ءارتاراپتاندىرۋ باعىتىنداعى جۇمىستاردى جالعاستىرامىز. قازىر يرانمەن، مىسىرمەن ەركىن ساۋدا ايماقتارىن قۇرۋ بويىنشا كەلىسسوزدەر بەلسەندى تۇردە جۇرۋدە.

كەلىسسوزگە تارتىلعان ماماندار سەرىكتەستەردەن ءبيداي، ۇن، ارپا ەكسپورتىن باجسىز وتكىزۋدىڭ جولدارىن ىزدەۋدە. ەسەسىنە قازاقستان بۇل ەلدەردەن كوكونىس پەن جەمىس-جيدەك اكەلە الادى. بۇل ءبىزدىڭ نارىقتى قىس پەن كوكتەمدە ساپالى جانە ارزان اۋىلشارۋاشىلىق ونىمدەرىمەن قامتاماسىز ەتۋگە مۇمكىندىك بەرەدى»، - دەدى ۆيتسە-مينيستر ۆەدومستۆونىڭ كەڭەيتىلگەن القا ماجىلىسىندە.

ونىڭ ايتۋىنشا اتالعان كەلىسسوزدەر ءساتتى اياقتالسا، قازاقستاندىق ەكسپورتتاۋشىلاردى 600 ميلليون دوللارلىق نارىققا شىعارادى.

«بۇل كەلىسسوزدەردى بيىل اياقتاۋ جوسپارلانعان»، - دەدى جانەل كۋشۋكوۆا.

سوڭعى جاڭالىقتار