پرەزيدەنت «استانا» قارجى ورتالىعىنىڭ جاڭا باسشىسىنا ءبىرقاتار تاپسىرما بەردى
استانا. قازاقپارات - مەملەكەت باسشىسى «استانا» حالىقارالىق قارجى ورتالىعىنىڭ باسقارۋشىسى رەنات بەكتۇروۆتى قابىلدادى، دەپ حابارلايدى اقوردا.
پرەزيدەنتكە قارجى نارىعىن، كاپيتال نارىقتارى مەن قىزمەتتەرىن دامىتۋعا قاتىستى ا ح ق و- نىڭ جوسپارى باياندالدى. كەزدەسۋ بارىسىندا قاسىم-جومارت توقايەۆ «استانا» حالىقارالىق قارجى ورتالىعىنىڭ جۇمىسىن جانداندىرۋ جونىندە ءبىرقاتار مىندەت جۇكتەدى.
اتاپ ايتقاندا، شەتەلدەن ينۆەستيتسيا تارتۋعا جان-جاقتى اتسالىسۋدى، جاڭا قارجى قۇرالدارىن دامىتۋدى جانە ەل ەكونوميكاسىنىڭ ورنىقتى دامۋىنا ىقپال ەتۋدى تاپسىردى.
ەسكە سالساق، 6- قاڭتاردا مەملەكەت باسشىسىنىڭ جارلىعىمەن رەنات نۇرمولدا ۇلى بەكتۇروۆ «استانا» حالىقارالىق قارجى ورتالىعىنىڭ باسقارۋشىسى لاۋازىمىنا تاعايىندالدى.
