مەملەكەتتىك ماتەريالدىق رەزەرۆتە قانداي زاتتار ساقتالادى

استانا. قازاقپارات – ق ر پرەمەر- ءمينيسترى ءاليحان سمايىلوۆ مەملەكەتتىك ماتەريالدىق رەزەرۆتە قانداي ماتەريالدىق قۇندىلىقتار مەن ازىق- تۇلىك تۇرلەرى ساقتالاتىنىن ايتىپ بەردى، دەپ حابارلايدى قازاقپارات ءتىلشىسى.

«قازىرگى ۋاقىتتا مەملەكەتتىك ماتەريالدىق رەزەرۆتە ماتەريالدىق قۇندىلىقتاردىڭ 108 ءتۇرى (توسەك- ورىن جابدىقتارى، كيىم، ىدىس- اياق، تىرشىلىكتى قامتاماسىز ەتۋ قۇرالدارى، شاتىرلار، ەلەكتر كەرەك- جاراقتارى، قۇرىلىس ماتەريالدارى مەن جابدىقتارى، ارنايى اۆتوموبيل تەحنيكاسى) جانە ازىق- تۇلىكتىڭ 14 ءتۇرى (ۇن، ەت كونسەرۆىلەرى، قانت، وسىمدىك مايى، شاي، ماكارون ونىمدەرى، ءارتۇرلى جارما، تۇز، كەپتىرىلگەن كوكونىس جانە ت. ب. ) بار»، - دەلىنگەن ۇكىمەت باسشىسىنىڭ سەنات دەپۋتاتتارى ساۋالىنا بەرگەن جاۋابىندا.

ونىڭ اتاپ وتۋىنشە، بۇل ماتەريالدىق قۇندىلىقتار جىل سايىن تابيعي جانە تەحنوگەندىك سيپاتتاعى توتەنشە جاعدايلاردىڭ الدىن الۋ جانە جويۋ جونىندەگى ءىس- شارالاردا قولدانىلادى.

«پاۆلودار وبلىسى ەكىباستۇز قالاسىنىڭ اۋماعىنداعى جەرگىلىكتى اۋقىمداعى تەحنوگەندىك سيپاتتاعى توتەنشە جاعدايدى جويۋ كەزەڭىندە مەملەكەتتىك ماتەريالدىق رەزەرۆ قويمالارىنان جىلۋ ەلەكتر ورتالىعى مەن جىلۋ جەلىلەرىندەگى اپاتقا بايلانىستى مۇلىك (پەش - 30 دانا، دالالىق اس ءۇي - 2 دانا، ۆاحتالىق كونتەينەر – 1، مايلى رادياتور - 50 دانا، توسەك- ورىن كەرەك- جاراقتارى - 5 000 دانا، ىدىس - 4800 دانا، جىلۋ بەرۋ رادياتورلارى - 800 دانا) بروننان شىعارىلىپ، جەتكىزىلدى»، - دەدى پرەمەر- مينيستر.

اۆتور

مارلان جيەمباي