قاسىم- جومارت توقايەۆ ەمومالي راحمونمەن تەلەفون ارقىلى سويلەستى
استانا. قازاقپارات - مەملەكەت باسشىسى قاسىم- جومارت توقايەۆ تاجىكستان پرەزيدەنتى ەمومالي راحمونمەن تەلەفون ارقىلى سويلەستى، دەپ حابارلايدى اقوردانىڭ باسپا ءسوز قىزمەتى.
اڭگىمەلەسۋ بارىسىندا مەملەكەتتەر باسشىلارى قازاقستان مەن تاجىكستان اراسىندا ديپلوماتيالىق قاتىناستاردىڭ ورناعانىنا 30 جىل تولۋىنا وراي ءبىرىن- ءبىرى قۇتتىقتادى.
پرەزيدەنتتەر وسى جىلدارى ەكى ەل اراسىندا كوپجاقتى جانە ءوزارا ءتيىمدى مەملەكەتارالىق بايلانىستار جولعا قويىلعانىن اتاپ ءوتىپ، قاتىناستاردىڭ ستراتەگيالىق سەرىكتەستىك رۋحىندا نىعايىپ كەلە جاتقانىن جەتكىزدى.
تاراپتار ساۋدا- ەكونوميكالىق جانە مادەني- گۋمانيتارلىق سالالارداعى قارىم- قاتىناستاردىڭ، سونداي- اق قازاقستان مەن تاجىكستاننىڭ حالىقارالىق ۇيىمدار اياسىنداعى تىعىز ىنتىماقتاستىعى قارقىندى دامىپ كەلە جاتقانىنا نازار اۋداردى.
قاسىم- جومارت توقايەۆ پەن ەمومالي راحمون قازاق- تاجىك قاتىناستارىن ودان ءارى نىعايتۋ جونىندەگى بىرلەسكەن جۇمىستاردى جالعاستىرۋعا دايىن ەكەنىن تاعى دا ناقتىلادى.
