ابزال قۇسپان: ارانداتۋشىلىق ارەكەت ءالى جالعاسۋدا، بۇل الاڭداتارلىق جايت

None
استانا. قازاقپارات - ادام قۇقىعىن قورعاۋمەن اينالىساتىن ۇيىم ارانداتۋشىلىقپەن اينالىسقان. بۇل تۋرالى ءماجىلىستىڭ جالپى وتىرىسىندا «امانات» قوعامدىق كوميسسياسىنىڭ ءتوراعاسى ابزال قۇسپان ايتتى، دەپ حابارلايدى قازاقپارات ءتىلشىسى.

«ءبىزدىڭ قولىمىزدا جولداسى قازا بولعان، ءۇش بالاسىمەن ارەڭ جان باعىپ وتىرعان ايەل ادامدى تىرناقشانىڭ ىشىندەگى قۇقىق قورعاۋ ۇيىمى ءوز ماقساتىنا پايدالانعانى تۋرالى ناقتى مالىمەت بار. ول ايەلدى الماتى، استانا قالالارىندا ميتينگكە شىعۋعا ۇگىتتەپ، كوندىرگەن. كەيىن بەلگىلى بولعانداي، سول «ادام قۇقىعىن قورعاۋمەن اينالىساتىن ۇيىم» ول ايەلگە الماتىدان استاناعا جانە كەرى باعىتتا اۋە بيلەتىن الىپ، 4 جۇلدىزدى قوناق ۇيگە ورنالاستىرىپ، ال ۇيدە قالعان سابيلەرىنە بالا كۇتۋشى جالداعان. ونىڭ الاڭسىز ميتينگىلەرگە قاتىسۋىنا جاعداي جاساعان. ياعني، ارانداتۋشىلىق باعىتتاعى ءىس-ارەكەتتەر تەك قاڭتار وقيعاسى كەزىندە عانا كورىنىس تاپقان جوق. ول مەملەكەتتىك قۇقىق قورعاۋ ورگاندار تاراپىنان دا، ادام قۇقىعىن قورعاۋمەن اينالىساتىن جەكەلەگەن قوعامدىق ينستيتۋتتار تاراپىنان دا كۇنى بۇگىنگە دەيىن جالعاسىن تابۋدا. ءبىزدىڭ ويىمىزشا، بۇل الاڭداتارلىق جاعداي»، - دەدى ادۆوكات.

سوڭعى جاڭالىقتار