ءزۇلفيا سۇلەيمەنوۆا ق ر ەكولوگيا جانە تابيعي رەسۋرستار ءمينيسترى لاۋازىمىنا تاعايىندالدى

«ءزۇلفيا بولات قىزى سۇلەيمەنوۆا قازاقستان رەسپۋبليكاسىنىڭ ەكولوگيا جانە تابيعي رەسۋرستار ءمينيسترى لاۋازىمىنا تاعايىندالسىن» دەلىنگەن پرەزيدەنت قول قويعان جارلىقتا.

سونداي-اق، مەملەكەت باسشىسىنىڭ جارلىعىمەن سەرىكقالي امانعالي ۇلى برەكەشەۆ قازاقستان رەسپۋبليكاسىنىڭ ەكولوگيا، گەولوگيا جانە تابيعي رەسۋرستار ءمينيسترى لاۋازىمىنان بوساتىلدى.

ءزۇلفيا سۇلەيمەنوۆا 1990 -جىلى اقتوبە قالاسىندا دۇنيەگە كەلگەن.

ل. گۋميلەۆ اتىنداعى ەۋرازيا ۇلتتىق ۋنيۆەرسيتەتىن بىتىرگەن. پرەزيدەنتتىك جاستار كادرلىق رەزەرۆىنىڭ مۇشەسى.

ەڭبەك جولىن 2014 -جىلى جاھاندىق ساياسات جانە قاۋىپسىزدىك ورتالىعىنىڭ وڭىرلىك جانە جاھاندىق قاۋىپسىزدىك ءبولىمىنىڭ عىلىمي قىزمەتكەرى بولىپ باستادى.

2020-2021 -جىلدارى - قازاقستان رەسپۋبليكاسىنىڭ ەكولوگيا، گەولوگيا جانە تابيعي رەسۋرستار مينيسترلىگىندە باسشىلىق قىزمەتتەر اتقارعان.

2021 -جىلعى قاڭتاردان باستاپ وسى ۋاقىتقا دەيىن VII سايلانعان ق ر پارلامەنتى ءماجىلىسىنىڭ دەپۋتاتى بولدى.

2022 -جىلى 14-ناۋرىزدا ءزۇلفيا سۇلەيمەنوۆا ەكولوگيا، گەولوگيا جانە تابيعي رەسۋرستار ۆيتسە-ءمينيسترى بولىپ تاعايىندالدى.