اسحات ايماعامبەتوۆ لاۋازىمىنان بوساتىلىپ، عاني بەيسەمبايەۆ ق ر وقۋ-اعارتۋ ءمينيسترى بولىپ تاعايىندالدى
استانا. قازاقپارات - عاني بەيسەمبايەۆ ق ر وقۋ-اعارتۋ ءمينيسترى لاۋازىمىنا تاعايىندالدى، دەپ حابارلايدى قازاقپارات اقوردانىڭ رەسمي سايتىنا سىلتەمە جاساپ.
عاني بەكتاي ۇلى بەيسەمبايەۆ قازاقستان رەسپۋبليكاسىنىڭ وقۋ-اعارتۋ ءمينيسترى لاۋازىمىنا تاعايىندالسىن.
قازاقستان رەسپۋبليكاسىنىڭ
پرەزيدەنتى ق. توقايەۆ
استانا، اقوردا، 2023 -جىلعى 4-قاڭتار
№ 86
عاني بەيسەمبايەۆ 1969 -جىلى قىزىلوردا وبلىسىندا دۇنيەگە كەلگەن.
اباي اتىنداعى الماتى مەملەكەتتىك ۋنيۆەرسيتەتىن بىتىرگەن.
ەڭبەك جولىن 1986 -جىلى شيەلى اۋداندىق مادەنيەت ءبولىمىنىڭ اۆتوكلۋب مەڭگەرۋشىسى قىزمەتىنەن باستاعان.
1989-1990 -جىلدارى - قازاق ءتىلى مۇعالىمى.
1990-1995 -جىلدارى - ورتا مەكتەپتە ديرەكتوردىڭ وقۋ-تاربيە ءىسى جونىندەگى ورىنباسارى.
1995-1997 -جىلدارى - ورتا مەكتەپ ديرەكتورى.
1997-2000 -جىلدارى – ق ر ب ع م ى. التىنسارين اتىنداعى قازاق ءبىلىم اكادەمياسى پرەزيدەنتىنىڭ عىلىمي حاتشىسى، كەڭەسشىسى.
2000-2001 -جىلدارى - قاپشاعاي قالاسى ءبىلىم ءبولىمىنىڭ باسشىسى.
2001-2006 -جىلدارى - قوسىمشا ءبىلىم بەرۋ ورتالىعىنىڭ ديرەكتورى.
2006-2020 -جىلدارى - حالىقارالىق ءبىلىم بەرۋ ورتالىعىنىڭ باس ديرەكتورى.
2006-2007 -جىلدارى - تەحنيكالىق- ەكونوميكالىق كوللەدج ديرەكتورى.
2020 -جىلى ق ر ب ع م «وقۋلىق» رەسپۋبليكالىق عىلىمي-پراكتيكالىق ورتالىعىنىڭ ديرەكتورى بولدى.
2020 -جىلعى جەلتوقسان ايىنان باستاپ قازىرگى ۋاقىتقا دەيىن ق ر ب ع م ى. التىنسارين اتىنداعى ۇلتتىق ءبىلىم اكادەمياسىنىڭ پرەزيدەنتى بولدى.
سونداي-اق، مەملەكەت باسشىسىنىڭ جارلىعىمەن اسحات قانات ۇلى ايماعامبەتوۆ قازاقستان رەسپۋبليكاسىنىڭ وقۋ-اعارتۋ ءمينيسترى لاۋازىمىنان بوساتىلدى، دەپ حابارلايدى اقوردانىڭ باسپا ءسوز قىزمەتى.
اسحات ايماعامبەتوۆ 2003 -جىلى ە. بوكەتوۆ اتىنداعى قار م ۋ تاريح فاكۋلتەتىن «تاريحشى، تاريح مۇعالىمى» بىلىكتىلىگى بويىنشا ءتامامداعان.
2006 -جىلى - قاراعاندى «بولاشاق» اكتۋالدى ءبىلىم بەرۋ ينستيتۋتىنىڭ زاڭ فاكۋلتەتىن «قۇقىقتانۋ» ماماندىعى بويىنشا اياقتاعان.
ەڭبەك جولىن 2002 -جىلى ە. بوكەتوۆ اتىنداعى قار م ۋ-دەن باستاعان، 2004- 2005 -جىلدارى «اڭسار» جاستار ليگاسى» ق ب ءتوراعاسى بولعان، 2005- 2006 -جىلدارى «مەديا س پ» ج ش س ديرەكتورى، 2006- 2012 -جىلدارى - قارمۋ ساياساتتانۋ جانە الەۋمەتتانۋ كافەدراسىنىڭ وقىتۋشىسى، اعا وقىتۋشىسى، دوتسەنتى رەتىندە قىزمەت اتقارعان.
2012- 2014 -جىلدارى نۇرا اۋدانى اكىمىنىڭ الەۋمەتتىك ماسەلەلەر جونىندەگى ورىنباسارى قىزمەتىن اتقارعان.
2014 -جىلعى اقپان ايىنان باستاپ 2017 -جىلعى تامىزعا دەيىن - قاراعاندى وبلىسى ءبىلىم بەرۋ باسقارماسىنىڭ باسشىسى لاۋازىمىن اتقارعان.
2017 -جىلعى تامىزدان باستاپ 2019 -جىلعى قاڭتارعا دەيىن ق ر ءبىلىم جانە عىلىم ۆيتسە- ءمينيسترى قىزمەتىن اتقارعان.
2003- 2012 -جىلدار ارالىعىندا قاراعاندى قالالىق ءماسليحاتىنىڭ III جانە IV شاقىرىلىمدارىنىڭ دەپۋتاتى، قالا ءماسليحاتىنىڭ الەۋمەتتىك ماسەلەلەر بويىنشا تۇراقتى كوميسسياسىنىڭ ءتوراعاسى بولىپ سايلانعان.
2019 -جىلعى ماۋسىمنان باستاپ 2022 -جىلعى ماۋسىمعا دەيىن قازاقستان رەسپۋبليكاسىنىڭ ءبىلىم جانە عىلىم ءمينيسترى قىزمەتىن اتقارعان.
2022 -جىلعى 11-ماۋسىمنان باستاپ پرەزيدەنت جارلىعىمەن وقۋ-اعارتۋ ءمينيسترى بولىپ تاعايىندالدى.
