قاسىم-جومارت توقايەۆتىڭ سانكت-پەتەربۋرگ قالاسىنا جۇمىس ساپارى اياقتالدى
استانا. قازاقپارات - مەملەكەت باسشىسى قاسىم- جومارت توقايەۆتىڭ سانكت-پەتەربۋرگ قالاسىنا جۇمىس ساپارى اياقتالدى، دەپ حابارلايدى اقوردانىڭ باسپا ءسوز قىزمەتى.
قاسىم-جومارت توقايەۆ سانكت-پەتەربۋرگ قالاسىنا جۇمىس ساپارىمەن باردى.
مەملەكەت باسشىسىن رەسەي پرەزيدەنتى ۆلاديمير پۋتين قارسى الدى.
پرەزيدەنت ت م د- عا مۇشە مەملەكەتتەر باسشىلارىنىڭ بەيرەسمي كەزدەسۋىنە قاتىستى.
دوستاستىق ۇيىمىنا مۇشە مەملەكەتتەر باسشىلارىنىڭ بەيرەسمي كەزدەسۋىنە قازاقستان پرەزيدەنتى قاسىم-جومارت توقايەۆپەن قاتار ازەربايجان پرەزيدەنتى يلحام اليەۆ، ارمەنيا پرەمەر-ءمينيسترى نيكول پاشينيان، بەلارۋس پرەزيدەنتى الەكساندر لۋكاشەنكو، قىرعىزستان پرەزيدەنتى سادىر جاپاروۆ، رەسەي پرەزيدەنتى ۆلاديمير پۋتين، تاجىكستان پرەزيدەنتى ەمومالي راحمون، تۇرىكمەنستان پرەزيدەنتى سەردار بەردىمۇحامەدوۆ، وزبەكستان پرەزيدەنتى شاۆكات ميرزيەيەۆ قاتىستى.
سونداي-اق، بۇگىن قاسىم-جومارت توقايەۆ سانكت-پەتەربۋرگ قالاسىنداعى مەملەكەتتىك ورىس مۋزەيىنە باردى.
وندا قازاقستان، ارمەنيا، بەلارۋس، قىرعىزستان، رەسەي، تاجىكستان جانە وزبەكستان مەملەكەتتەرى باسشىلارىنىڭ تاعى ءبىر بەيرەسمي كەزدەسۋى ءوتتى.
