مۇحتار ءابليازوۆتى ەلگە قايتارۋعا بار كۇشىمىزدى سالامىز - باس پروكۋراتۋرا

«ەكس- بانكير مۇحتار ءابليازوۆ قازاقستانعا قايتارىلا ما؟ فرانسيا مەن قازاقستان اراسىندا سوتتالعانداردى ەكستراديتسيالاۋ تۋرالى شارت جاسالعان با؟» دەگەن سۇراق قويدى تىلشىلەر سپيكەرگە ءماجىلىس كۋلۋارىندا.

«وزدەرىڭىزگە بەلگىلى، قازاقستاندا قۇزىرلى ورگاندار م. ءابليازوۆقا قاتىستى ەكى قىلمىستىق ءىس قوزعاعان. بىرەۋى – ب ت ا بانك قاراجاتىن جىمقىرۋ فاكتىسى، ەكىنشىسى - ە. تاتىشيەۆتىڭ ولىمىنە قاتىستى. ەكى قىلمىستىق ءىس بويىنشا دا ايىپتاۋ ۇكىمى كۇشىنە ەنگەن سوڭ ءتيىستى ەكستراديتسيا تارتىبىمەن فرانسيانىڭ وكىلەتتى ورگاندارىنا سۇرانىس حات جولدانعان. ولاردىڭ قارالۋ ساتىسى ءارتۇرلى مەرزىمدە، قازىر فرانسيا م.ءابليازوۆقا بەرگەن باسساۋعا كۇشىن جويدى. وسى جانە قولدانىلىپ جاتقان باسقا دا شارالار سەپتىگىن تيگىزەدى دەپ ويلايمىن. سۇرانىس حاتتارى ءبىزدىڭ قاتاڭ باقىلاۋىمىزدا، ءبىز وعان بار كۇشىمىزدى سالامىز»، - دەدى ج. ومىراليەۆ.

سپيكەردىڭ ايتۋىنشا، بۇل - قازاقستاننىڭ عانا ەمەس، شەتەلدىك قۇقىق قورعاۋ ورگاندارىنىڭ دا جۇمىسىنىڭ ناتيجەسى.

ەرتەڭ باس پروكۋراتۋرا م. ءابليازوۆ ءىسى بويىنشا ارنايى بريفينگ وتكىزەدى.

ايتا كەتەيىك، 9- جەلتوقساندا فرانسيا مۇحتار ابليازوۆكە ساياسي باسساۋعا بولۋدان باس تارتتى.

امەريكا القابيلەر سوتى اقشا ۇرلاۋ فاكتىسى بويىنشا مۇحتار ءابليازوۆقا $218 ميلليون ايىپپۇل سالدى.

فوتو: kursiv.kz

اۆتور

ايجان سەرىكجان قىزى