قاسىم-جومارت توقايەۆ ماڭعىستاۋ وبلىسىنىڭ اكىمىن قابىلدادى
استانا. قازاقپارات - پرەزيدەنت ماڭعىستاۋ وبلىسىنىڭ اكىمى نۇرلان نوعايەۆتى قابىلدادى، دەپ حابارلايدى قازاقپارات بورت 1№ تەلەگرام-ارناسىنا سىلتەمە جاساپ.
مەملەكەت باسشىسىنا ماڭعىستاۋ وبلىسىنىڭ بيىلعى 11 ايداعى الەۋمەتتىك-ەكونوميكالىق دامۋ قورىتىندىسى تۋرالى باياندالدى.
سونىمەن قاتار وبلىستاعى تۇرعىن ءۇي كوممۋنالدىق شارۋاشىلىعى، ينۆەستيتسيا تارتۋ، مال ازىعىن ازىرلەۋ جانە تاعى باسقا ماسەلەلەر جونىندە مالىمەت بەرىلدى.
نۇرلان نوعايەۆ پرەزيدەنتتىڭ ماڭعىستاۋ وبلىسىنا جۇمىس ساپارى كەزىندە بەرگەن تاپسىرمالارى وبلىستى دامىتۋدىڭ كەشەندى جوسپارىنا ەنگىزىلگەنىن جەتكىزدى.
مەملەكەت باسشىسى جىلدى جوسپارعا سايكەس قورىتىندىلاۋدى تاپسىردى.
