ازاماتتار وزگەرىستى كۇتىپ وتىر – ق ر پرەزيدەنتى
استانا. قازاقپارات - ەلىمىزدىڭ ازاماتتارى وزگەرىسى كۇتىپ وتىر، دەپ مالىمدەدى بۇگىن ق ر پرەزيدەنتى قاسىم- جومارت توقايەۆ ۇكىمەتتىڭ كەڭيتىلگەن وتىرىسىندا.
«ازاماتتارىمىز ناقتى وڭ وزگەرىستەر بۇگىن جانە قازىر بولادى دەپ ۇمىتتەنىپ وتىر. وسى ءۇمىت پەن سەنىمدى اقتاۋ - الدىمىزدا تۇرعان ەڭ باستى مىندەت ءارى قاستەرلى پارىز. ءاربىر ءمينيستردىڭ، اكىمنىڭ جۇمىسى ستاتيستيكامەن، ەسەپ- قيساپپەن ەمەس، ناقتى ناتيجەمەن ولشەنەتىن بولادى»، - دەدى مەملەكەت باسشىسى.
بيىل 5,2 ميلليون گەكتار اۋىل شارۋاشىلىعى جەرلەرى مەملەكەتتىك مەنشىككە قايتارىلدى. بۇل تۋرالى ق ر ۇكىمەتىنىڭ كەڭەيتىلگەن وتىرىسىندا پرەمەر- مينيستر ءاليحان سمايىلوۆ ايتتى.
«اۋىل شارۋاشىلىعىندا بيىل 21 ميلليون توننا استىق جينالدى. بۇل سوڭعى 10 جىلداعى ەڭ جوعارى كورسەتكىشتەرىنىڭ ءبىرى. كوكتەمگى ەگىس جانە ەگىن جيناۋ جۇمىستارىنا جەڭىلدىكپەن نەسيە بەرۋ كولەمى 2 ەسەگە ۇلعايتىلدى. 420 مىڭ توننا جەڭىلدىكتى جانار- جاعارماي ءبولىندى. اۋىل شارۋاشىلىعى تەحنيكاسىنا جەڭىلدىكپەن نەسيە بەرۋ كولەمى 145 ميلليارد تەڭگەگە دەيىن ۇلعايتىلدى. 5,2 ميلليون گەكتار اۋىل شارۋاشىلىعى جەرلەرى مەملەكەتتىك مەنشىككە قايتارىلدى. كەلەسى جىلى قوسىمشا 5 ميلليون گەكتاردى قايتارۋ جوسپارلانۋدا»، - دەدى ۇكىمەت باسشىسى.
ءاليحان سمايىلوۆتىڭ اتاپ وتۋىنشە، قازىرگى ۋاقىتتا اگروونەركاسىپتىك كەشەندى سۋبسيديالاۋ جۇيەسىن رەفورمالاۋدىڭ نۇسقاسى ازىرلەندى. بارلىق وزگەرىستەر فەرمەرلەر قاۋىمداستىعىمەن تالقىلاندى. سۋبسيديالاۋدىڭ مەملەكەتتىك اشىق اقپاراتتىق جۇيەسى ەنگىزىلدى.
«شاعىن نەسيەلەۋ ەسەبىنەن اۋىل حالقىنىڭ تابىسىن ارتتىرۋ جونىندەگى جوبانى ىسكە اسىرۋ باستالدى. وعان كەلەسى جىلعا ازىرشە 70 ميلليارد تەڭگە ءبولىندى. 5 جىلدىڭ ىشىندە وسى جوباعا 1 تريلليون تەڭگە باعىتتاۋ جوسپارلانىپ وتىر. ناتيجەسىندە، 1 ميلليوننان استام اۋىل تۇرعىندارى قامتىلادى. كووپەراتيۆتىك كاسىپكەرلىككە بارلىق جەكە ءۇي شارۋاشىلىقتىڭ جارتىسى تارتىلادى. 350 مىڭنان استام جاڭا جۇمىس ورنى قۇرىلادى»، - دەدى پرەمەر- مينيستر.
اۆتور
مارلان جيەمباي
