مينيسترلەر مەن اكىمدەردىڭ جۇمىسى ەسەپ-قيساپپەن ەمەس، ناقتى ناتيجەمەن ولشەنۋى كەرەك - پرەزيدەنت

وسى ءۇمىت پەن سەنىمدى اقتاۋ - الدىمىزدا تۇرعان ەڭ باستى مىندەت. پرەزيدەنت توراعالىعىمەن ءوتىپ جاتقان ۇكىمەتتىڭ كەڭەيتىلگەن وتىرىسىندا مەملەكەت باسشىسى قاسىم- جومارت توقايەۆ وسىلاي دەدى.

«جۋىردا وتكەن پرەزيدەنت سايلاۋى - بۇل حالىقتىڭ بىزگە ارتقان زور سەنىمى جانە قولداۋى. ازاماتتارىمىز ناقتى وڭ وزگەرىستەر بۇگىن جانە ءقازىر بولادى دەپ ۇمىتتەنىپ وتىر. وسى ءۇمىت پەن سەنىمدى اقتاۋ - الدىمىزدا تۇرعان ەڭ باستى مىندەت ءارى قاستەرلى پارىز.

سوندىقتان، سايلاۋ الدىنداعى باعدارلامانى جۇزەگە اسىرۋ ءۇشىن ارنايى جوسپار قابىلداندى. بارلىق ءىس-شارا ۋاقتىلى جانە تولىق ورىندالۋى كەرەك. ءاربىر ءمينيستردىڭ، اكىمنىڭ جۇمىسى ستاتيستيكامەن، ەسەپ- قيساپپەن ەمەس، ناقتى ناتيجەمەن ولشەنەتىن بولادى»، - دەدى ق ر پرەزيدەنتى.

«بۇگىن ەلىمىزدىڭ بيىلعى الەۋمەتتىك- ەكونوميكالىق دامۋ كورسەتكىشتەرىنە توقتالامىز. الدا تۇرعان باستى مىندەتتەردى ايقىندايمىز. قوردالانعان ماسەلەلەر از ەمەس.

11 ايدا ەكونوميكانىڭ ءوسىمى 4,6 پايىزدان 2,7 پايىزعا دەيىن تومەندەدى. ينفلياتسيا سوڭعى 14 جىلدا بولماعان دەڭگەيگە جەتتى. قازىر بۇل كورسەتكىش - 19,6 پايىز. مۇنداي احۋال جۇرتتىڭ تابىسىنا جانە ءال-اۋقاتىنا كەرى اسەرىن تيگىزىپ وتىر»، - دەدى قاسىم-جومارت توقايەۆ.

سونداي-اق، پرەزيدەنت سايلاۋ الدىنداعى باعدارلامانى ىسكە اسىرۋدىڭ جوسپارى قالاي ىسكە اسۋى كەرەكتىگىنە توقتالدى.

«سايلاۋ الدىنداعى باعدارلامانى جۇزەگە اسىرۋ ءۇشىن ارنايى جوسپار قابىلداندى. بارلىق ءىس- شارا ۋاقىتىلى جانە تولىق ورىندالۋى كەرەك. ءاربىر ءمينيستردىڭ، اكىمنىڭ جۇمىسى ستاتيستيكامەن، ەسەپ- قيساپپەن ەمەس، ناقتى ناتيجەمەن ولشەنەتىن بولادى»، - دەدى مەملەكەت باسشىسى.

ايتا كەتەيىك، بۇگىن مەملەكەت باسشىسى قاسىم-جومارت توقايەۆتىڭ توراعالىعىمەن ۇكىمەتتىڭ كەڭەيتىلگەن وتىرىسى ءوتىپ جاتىر.

جيىن بارىسىندا ەلىمىزدىڭ بيىلعى الەۋمەتتىك- ەكونوميكالىق دامۋىنىڭ نەگىزگى كورسەتكىشتەرى تۋرالى ەسەپ بەرىلەدى جانە ۇكىمەتتىڭ 2023 -جىلعا ارنالعان جۇمىس جوسپارى قاراستىرىلادى دەپ جوسپارلانىپ وتىر.