پرەزيدەنت سايلاۋىنا قاتىسۋعا قانشا حالىقارالىق بايقاۋشى تىركەلدى
مۇنى ب ا ق وكىلدەرىنىڭ قاتىسۋىمەن وتكەن بريفينگتە سىرتقى ىستەر مينيسترلىگىنىڭ رەسمي وكىلى ايبەك سمادياروۆ ايتتى، دەپ حابارلايدى قازاقپارات ءتىلشىسى.
«پرەزيدەنت سايلاۋىن 8- حالىقارالىق ۇيىم، شەت مەملەكەتتەردىڭ جانە قازاقستاندا اككرەديتتەلگەن ديپلوماتيالىق كورپۋستىڭ وكىلدەرى باقىلايتىن بولادى. بۇگىنگى تاڭدا 139 حالىقارالىق باقىلاۋشى اككرەديتتەلگەن. سايلاۋدى باقىلاۋعا بارلىعى 600 دەن استام وكىل قاتىسادى دەپ كۇتىلۋدە»، - دەدى ۆەدومستۆونىڭ رەسمي وكىلى.
بۇدان وزگە، ول ق ر پرەزيدەنتى سايلاۋىندا الەمنىڭ 53 ەلىندەگى 12 مىڭنان استام قازاقستاندىق داۋىس بەرۋى ىقتيمال ەكەنىن ءمالىم ەتتى. ءبىراق بيىلعى سايلاۋدا ۋكرايناداعى سايلاۋ ۋچاسكەلەرى جۇمىس ىستەمەيدى.
ايبەك سمادياروۆتىڭ دەرەگىنشە، بۇل شەشىم اتالعان ەلدەگى جاعدايعا بالايلانىستى قابىلدانعان. سوندىقتان سايلاۋعا قاتىسۋعا نيەتتى قازاقستاندىقتار مولدوۆا نەمەسە پولشاعا بارىپ داۋىس بەرە الادى.
