پرەزيدەنت ت م د مەملەكەتتەرى باسشىلارىنىڭ بەيرەسمي كەزدەسۋىنە قاتىستى

استانا. قازاقپارات - مەملەكەت باسشىسى قاسىم- جومارت توقايەۆ تاۋەلسىز مەملەكەتتەر دوستاستىعىنا مۇشە ەلدەر كوشباسشىلارىنىڭ بەيرەسمي كەزدەسۋىنە قاتىستى، دەپ حابارلايدى قازاقپارات اقورداعا سىلتەمە جاساپ.

تاۋەلسىز مەملەكەتتەر دوستاستىعىنا مۇشە ەلدەر كوشباسشىلارىنىڭ بەيرەسمي كەزدەسۋىنە قازاقستان پرەزيدەنتىمەن قاتار، ازەربايجان پرەزيدەنتى يلحام اليەۆ، ارمەنيا پرەمەر- ءمينيسترى نيكول پاشينيان، بەلارۋس پرەزيدەنتى الەكساندر لۋكاشەنكو، رەسەي پرەزيدەنتى ۆلاديمير پۋتين، تاجىكستان پرەزيدەنتى ەمومالي راحمون، تۇرىكمەنستان پرەزيدەنتى سەردار بەردىمۇحامەدوۆ، وزبەكستان پرەزيدەنتى شاۆكات ميرزيەيەۆ قاتىستى.

جيىن بارىسىندا ت م د ەلدەرىنىڭ باسشىلارى ۇيىم قىزمەتىنىڭ باسىم باعىتتارىن، ءوزارا ءتيىمدى ىنتىماقتاستىقتى نىعايتۋ جانە ودان ءارى دامىتۋ جونىندەگى جوسپاردى تالقىلادى.

مەملەكەت باسشىسى قاسىم- جومارت توقايەۆ ۆلاديمير پۋتيندى مەرەيتويىمەن قۇتتىقتاپ، ونىڭ قازاقستان مەن رەسەي اراسىنداعى ستراتەگيالىق سەرىكتەستىكتى نىعايتۋعا قوسقان ۇلەسىن اتاپ ءوتتى.

بۇعان دەيىن حابارلاعانىمىزداي، پرەزيدەنت قاسىم- جومارت توقايەۆ ت م د مەملەكەتتەرى باسشىلارىنىڭ بەيرەسمي كەزدەسۋىنە قاتىسۋ ءۇشىن سانكت- پەتەربۋرگتەگى كونستانتين سارايىنا باردى.