سامات ءابىش پەن ەرلان تۇرعىمبايەۆقا قاتىستى قىلمىستىق ءىس قوزعالا ما

استانا. قازاقپارات - ىشكى ىستەر ورگانلارىنىڭ وندىرىسىندە ۇلتتىق قاۋىپسىزدىك كوميتەتى ءتوراعاسىنىڭ بۇرىنعى ورىنباسارى سامات ءابىش پەن ىشكى ىستەر مينيسترلىگىنىڭ بۇرىنعى باسشىسى ەرلان تۇرعىمبايەۆقا قاتىستى ەشقانداي قىلمىستىق ءىس جوق.

ق ر ىشكى ىستەر ءمينيسترى مارات احمەتجانوۆ ورتالىق كوممۋنيكاتسيالار قىزمەتىندە وتكەن بريفينگىدە وسىنداي مالىمەت ايتتى، دەپ حابارلايدى قازاقپارات ءتىلشىسى.

«ەكس-مينيستر ەرلان تۇرعىمبايەۆ قاڭتار وقيعاسىنا بايلانىستى قاشان جاۋاپقا تارتىلادى؟ كارىم ءماسىموۆ قاماۋعا الىنعانىمەن ونىڭ ورىنباسارى سامات ابىشكە قاتىستى نەگە قىلمىستىق ءىس تىركەلمەگەن؟» دەپ سۇرادى جۋرناليست.

مينيستر قاڭتار وقيعاسىنا قاتىستى تەرگەپ-تەكسەرۋ جۇمىستارى باسقا قۇزىرلى ورگانداردىڭ وندىرىسىندە ەكەنىن ەسكە سالدى.

«ىشكى ىستەر ورگاندارىنىڭ وندىرىسىندە اتالعان ازاماتتارعا قاتىستى ەشقانداي شارالار جوق. نە تۇرعىمبايەۆقا، نە ابىشكە قوزعالعان قىلمىستىق ءىس بىزدە جوق»، - دەدى مارات احمەتجانوۆ.