قازاقستان پرەزيدەنتىنىڭ ب ۇ ۇ باس اسسامبلەياسىنداعى سوزىنە قانداي الەمدىك ب ا ق نازار اۋداردى
امەريكانىڭ كۇندەلىكتى جارىق كورەتىن The Washington Post گازەتى «ب ۇ ۇ باسشىسى الەمنىڭ وراسان زور جاھاندىق ارەكەتسىزدىكپەن تەجەلگەنىن مالىمدەدى» دەگەن ماقالاسىندا قازاقستان باسشىسىنىڭ «جاھاندىق سانكتسيالاردىڭ تارالۋى، رەسەي مەن امەريكا قۇراما شتاتتارى سياقتى ءىرى دەرجاۆالار اراسىنداعى باسەكەلەستىكتىڭ جاناما ءونىمى جاھاندىق جەتكىزىلىم تىزبەگى، باعا جانە ازىق-تۇلىك قاۋىپسىزدىگى پروبلەمالارىنىڭ ءىشىنارا سەبەبى بولىپ سانالادى. قاۋىپسىزدىك ارحيتەكتۋراسى بۇزىلۋدا. الەمدىك دەرجاۆالار اراسىنداعى ءوزارا سەنىمسىزدىك تەرەڭدەي تۇسۋدە» دەگەن ءسوزىن كەلتىرەدى.
USAID- ءتىڭ رەسمي سايتىندا USAID اكىمشىسى سامانتا پاۋەردىڭ قازاقستان پرەزيدەنتى قاسىم-جومارت توقايەۆپەن كەزدەسۋى اتالىپ وتكەن.
تاراپتار قازاقستاننىڭ ەكونوميكالىق جاڭعىرۋىن جەدەلدەتۋدى، ازاماتتىق قوعامدى قولداۋدى جانە پرەزيدەنت قاسىم-جومارت توقايەۆتىڭ رەفورمالار باعدارلاماسىندا باياندالعان پروتسەستەر مەن ماقساتتاردى ىلگەرىلەتۋدى، سونىڭ ىشىندە ينكليۋزيۆتى جانە ىقىلاستى دەموكراتيالىق باسقارۋدى كەڭەيتۋدى قوسا العاندا، ا ق ش پەن قازاقستان اراسىنداعى ەكىجاقتى ارىپتەستىكتىڭ نەگىزگى باسىمدىقتارىن تالقىلادى.
Anadolu Agency اقپاراتتىق اگەنتتىگى «قازاقستان پرەزيدەنتى باسەكەلەستىكتىڭ كۇشەيۋىنە، يادرولىق مەملەكەتتەردىڭ ريتوريكاسىنا قاتىستى دابىل قاعۋدا» اتتى ماقالانى جاريالادى.
ماقالادا قاسىم-جومارت توقايەۆتىڭ ب ۇ ۇ- داعى «ءبىز ەكى بۋىننان كەيىن العاش رەت يادرولىق قارۋدىڭ قولدانىلۋ قاۋپىمەن بەتپە-بەت كەلدىك» دەگەن مالىمدەمەسىنە باسا نازار اۋدارىلدى.
اتاپ ايتقاندا، پرەزيدەنت قاسىم-جومارت توقايەۆ ب ۇ ۇ باس اسسامبلەياسىندا سويلەگەن سوزىندە قازاقستاننىڭ «يادرولىق دەرجاۆالار اراسىندا كۇشەيىپ كەلە جاتقان باسەكە مەن تەكەتىرەسكە الاڭدايتىندىعىن» ايتتى.
ماقالادا ق ر پرەزيدەنتىنىڭ «بۇعان دەيىن قازاقستان يادرولىق قارۋ سىناقتارىنان كوپ زارداپ شەكتى. سوندىقتان، يادرولىق دەرجاۆالار اراسىنداعى تەكەتىرەستىڭ كۇشەيۋ قاۋپىن جاقسى تۇسىنەمىز. وسىعان وراي، يادرولىق قارۋسىزدانۋ قازاقستاننىڭ سىرتقى ساياساتىنىڭ ماڭىزدى قىرىنا اينالدى. ءبىز يادرولىق قارۋدان ازات الەم قۇرۋ جولىنداعى كۇرەسىمىزدى جالعاستىرا بەرەمىز» دەگەن ءسوزى كەلتىرىلگەن.
سونىمەن قاتار، ق ر پرەزيدەنتىنىڭ «ءبىز يادرولىق قارۋدى تاراتپاۋ تۋرالى شارتتىڭ جالپى كونفەرەنتسياسى اياسىندا ىلگەرىلەۋ جوق ەكەنىنە الاڭدايمىز» دەپ اتاپ وتكەنى كورسەتىلگەن.
قازاقستان كوشباسشىسى: «الەم گەوساياسي قايشىلىقتار كۇشەيىپ كەلە جاتقان جاڭا كەزەڭگە قادام باسقان سەكىلدى. ءتارتىپ پەن جاۋاپكەرشىلىككە نەگىزدەلگەن ءارى بۇرىن قالىپتاسقان حالىقارالىق جۇيەنىڭ ورنىن حاوس پەن بولجاۋعا كەلمەيتىن جاعداي باسىپ وتىر. تەجەمەلىك جانە تەپە-تەڭدىكتىڭ جاھاندىق جۇيەسى بەيبىتشىلىك پەن تۇراقتىلىقتى ساقتاپ قالا المادى. قاۋىپسىزدىك ارحيتەكتۋراسى كەلمەسكە كەتىپ بارادى. الەمدىك الپاۋىتتار اراسىنداعى ءوزارا سەنىمسىزدىك جىلدام ارتا ءتۇستى. الەم جاڭا اسكەري قاقتىعىس وشاقتارىنىڭ قۇربانىنا اينالدى. ءبىز ەكى بۋىننان كەيىن العاش رەت يادرولىق قارۋدىڭ قولدانىلۋ قاۋپىمەن بەتپە-بەت كەلدىك»، - دەپ ەسكەرتكەن.
BIG ASIA مەن Interfax باسىلىمدارى قازاقستان پرەزيدەنتى قاسىم-جومارت توقايەۆتىڭ ەۋروپالىق كوميسسيانىڭ باسشىسى ۋرسۋلا فون دەر ليايەنمەن سەيسەنبى كۇنى ب ۇ ۇ باس اسسامبلەياسىنىڭ 77-سەسسياسى اياسىندا جۇرگىزىلگەن كەلىسسوزدەرىنە جانە ونى قازاقستان رەسپۋبليكاسىنا رەسمي ساپارمەن كەلۋگە شاقىرۋىنا نازار اۋداردى.
تاراپتار قازاقستان مەن ەۋروپالىق وداق اراسىنداعى كەڭەيتىلگەن ستراتەگيالىق ارىپتەستىكتى دامىتۋ پەرسپەكتيۆالارىن تالقىلادى. قازاقستان پرەزيدەنتىنىڭ 2021-جىلعى قاراشاداعى بريۋسسەلگە رەسمي ساپارىنىڭ قورىتىندىلارى بويىنشا قول جەتكىزىلگەن ۋاعدالاستىقتاردى ىسكە اسىرۋعا دەن قويدى. اتاپ ايتقاندا، ەنەرگەتيكا جانە كولىك-لوگيستيكا سالالارىندا بىرلەسكەن جوبالاردى ىسكە اسىرۋ ماسەلەلەرى قوزعالدى. قاسىم-جومارت توقايەۆ پەن ۋرسۋلا فون دەر ليايەن ستراتەگيالىق ارىپتەستىكتى ودان ءارى جان-جاقتى نىعايتۋعا ءوزارا بەيىلدىلىگىن راستادى.
ءوز كەزەگىندە، ەۋروپالىق كوميسسيانىڭ باسشىسى قازاقستان پرەزيدەنتىنىڭ باسشىلىعىمەن ەلدە جۇرگىزىلىپ جاتقان اۋقىمدى رەفورمالاردى جوعارى باعالادى.
ساياسي باعدارلاماعا قاسىم-جومارت توقايەۆتىڭ ازىق-تۇلىك قاۋىپسىزدىگى مەن تۇراقتى دامۋ جونىندەگى جاھاندىق سامميتكە قاتىسۋى كىرەدى. وسى ءىس-شارالاردان باسقا، ا ق ش- تىڭ ساپار كەستەسى ب ۇ ۇ باس حاتشىسىمەن، ەۋروپالىق وداق باسشىلىعىمەن جانە ءبىرقاتار مەملەكەت باسشىلارىنىڭ وتىنىشتەرىمەن كەزدەسۋلەردى قامتيدى.
