بيىل قىزىلشامەن اۋىرۋ دەرەگى تىركەلگەن جوق - مينيستر
بۇل تۋرالى ق ر دەنساۋلىق ساقتاۋ ءمينيسترى اجار عينيات ورتالىق كوممۋنيكاتسيالار قىزمەتىندە ب ا ق وكىلىنىڭ سۇراعىنا بەرگەن جاۋابىندا ايتتى.
«بيىل قىزىلشامەن اۋىرۋ دەرەگى تىركەلگەن جوق. بىلتىر ەكى جاعداي بولعان. ال، 2020-جىلى ءورشۋ بايقالىپ، 3 مىڭنان استام دەرەك تىركەلگەن بولاتىن»، - دەدى اجار عينيات.
ونىڭ سوزىنە قاراعاندا، قىزىلشاعا قارسى ۆاكسيناتسيا جوسپارعا ساي ءوتىپ جاتىر.
«التى ايدىڭ ىشىندە 1 جاسقا تولماعان بالالاردىڭ شامامەن %51 ۆاكتسيناتسيادان ءوتتى. ال، 6 جاسقا دەيىنگى بالالاردىڭ %60 ەكپە الدى. بۇل حالىق اراسىندا، اسىرەسە بالالاردىڭ اراسىندا يممۋنيتەت قالىپتاستىرۋعا قاجەتتى مولشەر»، - دەدى مينيستر.
ونىڭ ايتۋىنشا، ەلىمىزدە 400 دەن استام بالا كوروناۆيرۋسپەن اۋىرىپ جاتىر.
«جىل باسىنان بەرى كوروناۆيرۋسپەن 6 مىڭنان استام بالا اۋىردى. قازىرگى تاڭدا اۋرۋحانالاردا 423 بالا ەمدەلىپ جاتىر. ءاربىر بالانىڭ دەنساۋلىعىن مينيسترلىكتىڭ دەڭگەيىندە قاراپ وتىرامىز. جەدەل شتابىمىز بار ەكەنىن، بالالاردىڭ دەنساۋلىعى ۇنەمى قارالىپ وتىراتىنىن ايتقان بولاتىنمىن»، - دەدى ۆەدومستۆو باسشىسى.
