قورعانىس مينيسترلىگى تۇركيانىڭ بروندى تەحنيكاسىن سىناقتان وتكىزبەك
بۇل تۋرالى ۆەدومستۆونىڭ قازاقستان ارمياسىن قارۋلاندىرۋ ساياساتى تۋرالى ب ا ق- تا جاريالانعان ماتەريالعا بەرگەن جاۋابىندا ايتىلعان، دەپ حابارلايدى قازاقپارات ءتىلشىسى.
«قورعانىس مينيسترلىگى قارۋ- جاراق جانە اسكەري تەحنيكا نارىعىنا ۇدايى مونيتورينگ جاساپ وتىرادى. قارۋ- جاراق پەن اسكەري تەحنيكانى ۇلگىلەرىن تاڭداۋ ءتارتىبى رەسمي نورماتيۆتىك قۇجاتپەن رەگلامەنتتەلگەن»، - دەپ جازادى مينيسترلىك ماماندارى.
سونداي- اق تۇركيانىڭ بروندى تەحنيكاسىن ساتىپ الۋ تۋرالى تۇپكىلىكتى شەشىم قابىلدانباعانى دا ايتىلعان.
«تۇركيالىق ماشينالارعا كەلسەك، ونى دا اتالعان نورماتيۆتىك قۇجات بەلگىلەگەن ءتيىستى پروتسەدۋرا اياسىندا زەرتتەپ جاتىرمىز. تۇركيالىق بروندالعان دوڭگەلەكتى ماشينالاردى ساتىپ الۋ ماسەلەسى ىشكى ۆەدومستۆولىق كەڭەسشى ورگان سىناقتار قورىتىندىسى بويىنشا وڭ شەشىم شىعارسا عانا قاراستىرىلادى»، - دەلىنگەن رەسمي مالىمەتتە.
فوتو : gov.kz
اۆتور ەسىمجان ناقتىباي
