12:57, 04 - تامىز 2022 | GMT +5
قازاقستاننان جاپونياعا جىلقى ەتىن ەكسپورتتايتىن كاسىپورىندار سانى ارتتى
نۇر- سۇلتان. قازاقپارات - جاپونياعا جىلقى ەتىن ەكسپورتتاي الاتىن قازاقستاندىق كاسىپورىنداردىڭ سانى ارتتى. بۇل تۋرالى ق ر اۋىل شارۋاشىلىعى مينيسترلىگىنەن ءمالىم بولدى، دەپ حابارلايدى قازاقپارات.
«قازاقستاننىڭ اۋىل شارۋاشىلىعى مينيسترلىگى مەن جاپونيانىڭ اۋىل، ورمان جانە بالىق شارۋاشىلىعى مينيسترلىگى اراسىنداعى ەكىجاقتى بەلسەندى ىنتىماقتاستىقتىڭ ناتيجەسىندە ءتيىستى كەلىسىم جاسالدى. وسى ورايدا جاپونياعا جىلقى ەتىن ەكسپورتتاۋعا قۇقىعى بار كاسىپورىنداردىڭ تىزىمىنە تاعى 9 قازاقستاندىق ەت وڭدەۋ كاسىپورنى ەنگىزىلدى»، - دەلىنگەن مينيسترلىك مالىمەتىندە.
«بۇعان دەيىن اتالعان تىزىمگە 34 قازاقستاندىق كاسىپورىن ەنگىزىلگەن بولاتىن. وسىلايشا، بۇگىنگى تاڭدا جالپى 43 وتاندىق ەت وڭدەۋ كومپانياسى ءوز ونىمدەرىن جاپونيا اۋماعىنا ەكسپورتتاي الادى»، - دەپ اتالىپ وتكەن ۆەدومستۆو حابارلاماسىندا.
اۆتور رۋسلان عابباسوۆ
