مينيستر ەلوردالىقتارعا ماسكا تاعۋعا كەڭەس بەردى

نۇر-سۇلتان. قازاقپارات - بۇگىن ۇكىمەت وتىرىسىندا دەنساۋلىق ساقتاۋ ءمينيسترى اجار عينيات بيزنەس وكىلدەرىن ك ۆ ي-دىڭ تارالماۋىنا جول بەرمەس ءۇشىن تالاپتاردى ورىنداۋعا شاقىردى، دەپ حابارلايدى قازاقپارات ءتىلشىسى.

مينيستر شىلدە ايىندا ەلىمىزدە ەپيدەميولوگيالىق جاعدايدى باعالاۋ ماتريتساسى قايتا قارالعانىن ايتا كەلە، ايماقتار بويىنشا شەكتەۋ شارالارىدا قايتا قارالعانىن جانە ونى ۆەدومستۆوارالىق كوميسسيا ماقۇلداعانىن ەسكە سالدى.

«ماسەلەن، «جاسىل» جانە «سارى» ايماقتاردا شەكتەۋ شارالارى بيزنەس وبەكتىلەرىنىڭ قىزمەتىن شەكتەمەي، ينفەكسيا كوزىن وقشاۋلاۋعا باعىتتالعان. ياعني نياسانداردا سانيتارلىق- دەزينفەكسيالىق ءتارتىپتى كۇشەيتۋگە، قوعامدىق ورىنداردا، قوعامدىق كولىكتە مەديتسينالىق ماسكانى قولدانۋعا كەڭەس بەرىلگەن»، - دەدى ا. عينيات.

وسى ورايدا ول شەكتەۋ شارالارىن ەنگىزۋ بيزنەستىڭ جانە حالىقتىڭ پروفيلاكتيكالىق شارالاردى ۇستانۋ جاعدايىنا بايلانىستى بولاتىنىن ايتتى.

«الايدا، «سارى» ايماقتاعى نۇر-سۇلتان قالاسىندا ءۇي-جايلاردا كوپ ادام قاتىساتىن كوپشىلىك ءىس- شارالار جۇرگىزىلەدى جانە مەديتسينالىق ماسكا تاعۋ ءارى الەۋمەتتىك قاشىقتىق تالاپتارى ساقتالمايدى. بۇل ەلوردادا ينفەكسيانىڭ ودان ءارى تارالۋىنا الىپ كەلىپ وتىر. ەپيدەميولوگيالىق جاعدايدى تۇراقتاندىرۋ جانە بيزنەستىڭ شەكتەۋسىز جۇمىس ىستەۋىن قامتاماسىز ەتۋ ءۇشىن نىسانداردا سانيتارلىق- دەزينفەكسيا رەجيمىن ساقتاۋدى، سونداي-اق حالىقتىڭ قىزمەتتەر الۋ كەزىندەگى قاۋىپسىزدىگىنە نازار اۋدارۋدى تاعى دا ەسكە سالامىز»، - دەدى مينيستر.

بۇدان بۇرىن حابارلانعانداي، «قىزىل» ايماقتا شەكتەۋ شارالارى دەنساۋلىق ساقتاۋ جۇيەسىنىڭ جۇكتەمەسىنە بايلانىستى ەكى كەزەڭمەن قابىلدانادى.