جۇمىسسىزدار ءوز بيزنەسىن اشۋعا مۇمكىندىك الادى
مەملەكەتتىك گرانت - نىسانالى ماقساتى جاڭا بيزنەستى ىسكە قوسۋ جانە دامىتۋ بولىپ تابىلاتىن وتەۋسىز بەرىلگەن باستاپقى كاپيتال. گرانت كولەمى - 400 ا ە ك (1225200 تەڭگە). ءار قاتىسۋشى ونى تەك ءبىر رەت الا الادى.
گرانت قاراجاتى ءىسىن جاڭا باستاعان كاسىپكەرلەرگە وزدەرىنىڭ بيزنەس- الەۋەتىن اشۋعا، ءوندىرىستى جولعا قويۋعا جانە دامىتۋعا، سول ارقىلى ءوزىن تۇراقتى تابىسپەن قامتاماسىز ەتۋگە مۇمكىندىك بەرەدى.
ءوتىنىمدى بىلاي بەرۋگە بولادى:
• پورتالدا تىركەلۋ؛
• گرانت الۋ شارتتارىنا سايكەستىگىنە تەكسەرۋدەن ءوتۋ؛
• بيزنەس- جوسپار ۇلگىسىن جۇكتەپ الىپ، ونى تولتىرۋ جانە پورتالعا ەنگىزۋ؛
• ءوتىنىش نىسانىن تولتىرۋ جانە ە س ق كىلتىمەن قول قويۋ. ينتەرنەتكە نەمەسە كومپيۋتەرگە قولجەتىمدىلىك بولماعان جاعدايدا، حالىقتى جۇمىسپەن قامتۋ ورتالىقتارىنىڭ وزىنە- ءوزى قىزمەت كورسەتۋ ايماقتارىندا، حالىققا قىزمەت كورسەتۋ ورتالىقتارىندا، كاسىپكەرلەرگە قىزمەت كورسەتۋ ورتالىقتارىندا ءوتىنىم بەرۋگە بولادى.
گرانت الۋ ءۇشىن ءبىرقاتار شارتتاردى ساقتاۋ قاجەت. جاڭا بيزنەس- يدەيانى ىسكە اسىرۋعا مەملەكەتتىك گرانتتى كىمدەر الا الادى:
1. تىركەلگەن جۇمىسسىزدار؛
2. جەكە كاسىپكەرلەر (تىركەۋ مەرزىمى 3 جىلعا دەيىن)؛
3. ءبىرىڭعاي جيىنتىق تولەمدى تولەۋشىلەر. بۇل رەتتە ۇمىتكەر تومەندەگى الەۋمەتتىك ساناتتاردىڭ بىرىنەن بولۋ كەرەك:
1. مۇگەدەكتىگى بار ادامدار؛
2. قولدانىستاعى «كانداس» مارتەبەسى بار ادامدار؛
3. ءوڭىرارالىق قونىس اۋدارۋشىلار
4. از قامتىلعان وتباسى مۇشەلەرى؛
5. كوپبالالى وتباسى مۇشەسى (جۇبايى/زايىبى)؛
6. مۇگەدەكتىگى بار بالانى تاربيەلەپ وتىرعان ادام (جۇبايى/زايىبى)؛
7. اسىراۋشىسىنان ايىرىلۋ بويىنشا جاردەماقى الۋشىلار؛
8. جاستار. ۇمىتكەردىڭ «باستاۋ بيزنەس» جوباسى بويىنشا كاسىپكەرلىك نەگىزدەرىنە وقىتۋ تۋرالى 3 جىلدان اسپايتىن مەرزىمگە سەرتيفيكاتى بولۋى ءتيىس.
راسىمدەردىڭ اشىقتىعىن قامتاماسىز ەتۋ، ادامي فاكتوردى ازايتۋ، ءوتىنىش بەرۋشىلەرگە ىڭعايلى بولۋ ءۇشىن گرانت بەرۋدىڭ بۇكىل پروتسەسى ەلەكتروندى فورماتقا اۋىستىرىلدى. گرانت الۋعا ءوتىنىم قابىلداۋ ءبىرىڭعاي تەرەزە - «Business.enbek.kz» پورتالى ارقىلى جۇزەگە اسادى.
گرانتپەن قاجەتتى قۇرال- سايمانداردى، ەڭبەك قۇرالدارىن، تەحنولوگيالىق جابدىقتار، مال، جانۋارلار، قۇس، كوشەت، بۇتا، تۇقىم ساتىپ الۋعا، ورىنجايدى جالعا الۋ اقىسىن تولەۋگە الۋعا بولادى. گرانت قارجىسىمەن تۇتىنۋشىلىق ماقساتقا، كرەديتتى وتەۋگە، جىلجىمايتىن تۇرعىن ءۇي ساتىپ الۋعا جانە سالۋعا، جەر ۋچاسكەسىن ساتىپ الۋعا، اكسيزدەلەتىن ونىمدەر وندىرۋگە بولمايدى.
گرانت حالىقتى جۇمىسپەن قامتۋ ورتالىقتارى گرانت الۋعا ۇمىتكەرلەردىڭ وتىنىشتەرىن قاراۋ جونىندەگى اۋداندىق/قالالىق كوميسسيانىڭ شەشىمىمەن بەرىلەدى. ۇمىتكەرلەر ءوز بيزنەس- جوباسىن كوميسسيا وتىرىسىندا تانىستىرادى.
بۇل رەتتە كوميسسيانىڭ ءار مۇشەسى بيزنەس- جوسپاردى باعالايدى جانە باعالاۋ پاراعىن مىناداي ولشەمشارتتار بويىنشا تولتىرادى: بيزنەس- يدەيانىڭ باسەكەگە قابىلەتى، وتكىزۋ نارىقتارىنىڭ پىسىقتالۋى، بيزنەس- جوبانىڭ قارجىلىق ومىرشەڭدىگى، كاسىپكەرلىك داعدىلاردىڭ دەڭگەيى، جاڭا جۇمىس ورىندارىن قۇرۋ. وسىلايشا، گرانت بەرۋ تۋرالى شەشىم كوميسسيالىق تۇردە جانە ۇمىتكەرلەردىڭ بيزنەس- جوبالارىنىڭ پىسىقتالۋىن باعالاۋدىڭ ناقتى ولشەمشارتتارى نەگىزىندە قابىلدانادى. كوميسسيا شەشىمى ۇمىتكەردىڭ پورتالداعى جەكە كابينەتىنە جىبەرىلەدى.
كوميسسيانىڭ وڭ شەشىمى بولعان جاعدايدا ۇمىتكەر بانك دەرەكتەمەلەرىن ۇسىنادى، شارتقا قول قويادى جانە ودان ءارى توقسان سايىن قاراجاتتىڭ پايدالانىلۋى تۋرالى ەسەپ بەرەدى. مۇنىڭ ءبارى حالىقتى جۇمىسپەن قامتۋ ورتالىقتارىنا بارماي- اق، ەلەكتروندىق فورماتتا جاسالادى.
رەداكتور جانات قاپالبايەۆا
