اباي جانە ۇلىتاۋ وبلىستارىندا توتەنشە جاعداي دەپارتامەنتىنىڭ باستىعى تاعايىندالدى

سەمەي. قازاقپارات - توتەنشە جاعدايلار مينيسترلىگىنىڭ بۇيرىعىمەن پولكوۆنيك ماناربەك قايىرگەلدى ۇلى شاپاعاتوۆ - اباي وبلىسى، ال ەسەن المۇحانبەت ۇلى بايىروۆ - ۇلىتاۋ وبلىسى توتەنشە جاعدايلار دەپارتامەنتىنىڭ باستىعى بولىپ تاعايىندالدى.

ولاردىڭ كانديداتۋراسىنا پرەزيدەنت اكىمشىلىگى كەلىسكەن، دەپ حابارلايدى قازاقپارات.

ماناربەك قايىرگەلدى ۇلى 1975 -جىلعى 3- اقپاندا كوكشەتاۋ وبلىسىنىڭ ەڭبەكشىلدەر اۋدانىندا تۋعان.

1995-جىلى ءى ءى م الماتى ءورت-تەحنيكالىق ۋچيليشەسىن، 2005-جىلى ت ج م كوكشەتاۋ تەحنيكالىق ينستيتۋتىن ءتامامدادى.

ماماندىعى - ءورت قاۋىپسىزدىك ينجەنەرى. قۇقىق قورعاۋ ورگاندارىندا 1992-جىلدان باستاپ قىزمەت اتقارادى.

ءوز قىزمەتىن كوكشەتاۋ وبلىسىنىڭ شۋچە اۋدانى مەملەكەتتىك ءورت قاداعالاۋ ءبولىمىنىڭ ينسپەكتورى لاۋازىمىنان باستادى.

قىزمەت جىلدارى ءارتۇرلى باسشىلىق لاۋازىمدا ەڭبەك ەتتى.

2015-جىلدان باستاپ اقمولا وبلىسى توتەنشە جاعدايلار دەپارتامەنتى باستىعىنىڭ ورىنباسارى لاۋازىمىندا قىزمەت اتقاردى.

ەسەن المۇحانبەت ۇلى 1974-جىلعى 22- ساۋىردە جەزقازعان وبلىسىنىڭ اقادىر اۋدانىندا تۋعان.

2005-جىلى قاراعاندى مەملەكەتتىك تەحنيكالىق ۋنيۆەرسيتەتىن، 2011-جىلى ت ج م كوكشەتاۋ تەحنيكالىق ينستيتۋتىن ءتامامدادى.

ماماندىعى - ءورت قاۋىپسىزدىك ينجەنەرى. قۇقىق قورعاۋ ورگاندارىندا 1998-جىلدان باستاپ قىزمەت ەتەدى.

ءوز قىزمەتىن استانا قالاسىنىڭ مەملەكەتتىك ورتكە قارسى قىزمەتى 19№ ءورت ءسوندىرۋ ءبولىمىنىڭ كىشى ينسپەكتورى لاۋازىمىنان باستادى. ءارتۇرلى باسشىلىق لاۋازىمدا بولعان.

2020-جىلدان باستاپ نۇر-سۇلتان قالاسى توتەنشە جاعدايلار دەپارتامەنتى باستىعىنىڭ ورىنباسارى لاۋازىمىندا جۇمىس ىستەگەن.