21:43, 28 - شىلدە 2022 | GMT +5
پياز ەكسپورتىنا تىيىم سالىنعان جوق – مينيسترلىك
نۇر-سۇلتان. قازاقپارات - ساۋدا جانە ينتەگراتسيا مينيسترلىگى الەۋمەتتىك جەلىلەردە تاراعان پياز ەسكپورتىنا شەكتەۋ قويۋ تۋرالى اقپاراتقا تۇسىنىكتەمە بەردى، دەپ حابارلايدى قازاقپارات ءتىلشىسى.
«22- شىلدە كۇنى ۆەدومستۆوارالىق كوميسسيا وتىرىسىندا پياز باعاسىنىڭ ءوسۋ ماسەلەسى قارالدى. بۇگىنگى كۇنى پياز ەكسپورتىنا شەكتەۋ قويىلعان جوق. كەيبىر وڭىرلەردە پياز باعاسى 360 تەڭگەگە دەيىن ءوستى. وسىعان بايلانىستى ۆەدومستۆوارالىق كوميسسيا وتىرىسىندا اۋىل شارۋاشىلىعى مينيسترلىگىنە، ساۋدا كوميتەتى مەن وبلىس اكىمدىكتەرىنە باعانىڭ ءوسۋ سەبەپتەرىن انىقتاۋ تاپسىرىلعان بولاتىن»، - دەدى ساۋدا جانە ينترەگراتسيا مينيسترلىگىنىڭ رەسمي وكىلى الىشەر ءومىرزاق.
بىرنەشە كۇن بۇرىن اۋىل شارۋاشىلىعى مينيسترلىگىنىڭ دە پيازدى سىرتقا شىعارۋعا شەكتەۋ قويۋ جونىندەگى ۇسىنىستى قولدامايتىنىن حابارلاپ ەدىك.
