ارحيتەكتور استانادا مەترونىڭ ءبىرىنشى كەزەڭىمەن شەكتەلمەي، اسپالى ءتۇرىن سالۋدى ۇسىندى
«جاقىندا استانا اكىمى التاي سەيدىر ۇلى جاقسى جاڭالىق ايتتى - LRT قۇرىلىسى جالعاساتىن بولدى. ءبىراق قىسقارتىلعان تۇرىندە جالعاستىرادى. بۇرىن 18 ستانسا بولسا، قازىر 6-8 ستانساعا دەيىن قىسقارادى. «بيۋجەتىمىز سوعان جەتەدى، ياعني ءبىرىنشى جەلى سالىنادى»، - دەدى.
بۇل دۇرىس، سالۋ كەرەك. ەگەر ونى سالماساق، مەترو نەمەسە BRT سياقتى جىلدام جۇرەتىن كولىك ءتۇرىن ويلاستىرا باستاۋىمىز كەرەك»، - دەدى ساۋلەتشى عالىم.
سونداي-اق ول نۇر-سۇلتاندا قالا تۇرعىندارىنىڭ سانى ميلليوننان اسىپ كەتكەنىن ەسكە سالدى.
«تۇرعىندار سانى باياعىدا ميلليوننان استى. قالامىزعا جىلدام جۇرەتىن كولىك كەرەك. وسىعان بايلانىستى مەن LRT قۇرلىسىن اياقتاۋ كەرەك دەگەن ۇستانىمدى قولداپ كەلە جاتىرمىن. كەرىسىنشە ەندى LRT- ءنىڭ ەكىنشى، ءۇشىنشى، ءتورتىنشى، بەسىنشى جەلىسىن سالۋدى ويلاستىرۋىمىز قاجەت. بالكىم اسپالى، ءتىپتى كەي جەرىندە ەكى دەڭگەيلى بولۋى كەرەك شىعار. ءبىزدىڭ جاعدايعا جىلدام جۇرەتىن ترامۆاي كەرەك دەپ وتىرمىز. سوندىقتان ودان قورقۋدىڭ قاجەتى جوق. ءبىرىنشى جەلىسىن سالامىز دەگەن ەكەنبىز، قازىرگى قىسقارتىلعان تۇرىندە اياقتاۋ كەرەك. ونىمەن شەكتەلمەي، بۇگىننەن باستاپ ەكىنشى، ءۇشىنشى، ءتورتىنشى جەلىسىن قالاي سالاتىنىمىزدى پىسىقتاي بەرگەن دۇرىس. مەيلى، ءتىپتى، 2-3 دەڭگەيلى بولسىن. قالا تۇرعىسىنان العاندا بۇل دۇرىس شەشىم بولاتىن ەدى»، - دەدى سارسەنبەك ءجۇنىسوۆ.
اتالعان شارادا ساۋلەتشىلەر وداعىنىڭ باسشىسى شىمكەنتتە يپپودروم ورنىنا ءۇيدىڭ سالىنۋىن سىناعان ەدى.
