قالانىڭ باس جوسپارىنا باعىنباعان قۇرىلىس كومپانيالارىن جازالاۋ قاجەت - ساۋلەتشى
بۇل ماسەلەنى ساۋلەت جانە قالا قۇرىلىسىنىڭ وزەكتى تۇيتكىلدەرى تالقىلانعان بريفينگ بارىسىندا ساۋلەتشى الەكسەي ابيلوۆ كوتەردى، دەپ حابارلايدى قازاقپارات ءتىلشىسى.
«ءبىزدىڭ ەلدە قالانىڭ باس جوسپارى ءوز بەتىنشە، ال سالىنىپ جاتقان نىساندار ءوز بەتىنشە جۇرەدى. قۇرىلىس كومپانيالارى باس جوسپارعا باعىنبايدى. وسىلايشا، شىنايى ومىردە تۇرعىنداردىڭ ءومىر سۇرۋىنە قولايسىز نىساندار بوي كوتەرەدى. جوسپاردا قانشاما ەسەپتەۋلەر مەن بولجامدار كورسەتىلەدى. دەگەنمەن، ونى سىزىپ بولعاننان سوڭ، «قالعان ءىس ءبىزدىڭ شارۋامىز» دەپ قۇرىلىسقا قارجى قۇياتىن ينۆەستورلار كىرىسەدى. بۇل جەردە نارىقتىق ەكونوميكاعا باسىمدىق بەرىلىپ كەتەدى. بۇل دۇرىس ەمەس. مۇنى وزگەرتۋ كەرەك. ويتكەنى، شاھاردىڭ باس جوسپارى سول اۋماقتا تۇراتىن ادامداردىڭ الداعى ءومىر ءسۇرۋ ورتاسىن قالىپتاستىرادى. قازىر كوپقاباتتى ۇيلەر، تىعىز ورنالاسقان نىساندار كوبەيىپ كەتتى. ەلىمىزدىڭ ءىرى ءۇش قالاسىنداعى قۇرىلىس ادامدارعا ەمەس، كولىكتەرگە ارنالىپ سالىنىپ جاتقان سياقتى. ساياباق، مەكتەپ، بالاباقشا، دۇكەن، بالالار ويناۋعا ارنالعان ورىندار مەن وزگە دە قاجەتتى الەۋمەتتىك نىساندار ەسكەرىلمەيدى. باس جوسپارعا باعىنباي، ءوز قالاۋىمەن قۇرىلىس جۇرگىزەتىن كومپانيالاردى جازالاۋ كەرەك. ول ءۇشىن زاڭعا وزگەرىس ەنگىزۋ قاجەت دەپ ەسەپتەيمىن»، - دەدى الەكسەي ابيلوۆ.
ەسكە سالا كەتەيىك، 1- تامىزدان باستاپ الماتىدا قالا قۇرىلىسى كەڭەسى جۇمىسىن باستايدى.
