قازاقستاندىقتار مايمىل شەشەگىنە قارسى ۆاكسينا الۋعا مىندەتتى مە
«مايمىل شەشەگى - دەنساۋلىق ساقتاۋ سالاسىنداعى توتەنشە جاعداي دەپ تانىلدى. دۇنيەجۇزىلىك دەنساۋلىق ساقتاۋ ۇيىمى باسشىسىنىڭ ايتۋىنشا، ءار ەل بويىنشا بولجام بار. مايمىل شەشەگىنىڭ تارالۋىنا قاتىستى قازىرگى قاۋىپ ەۋروپا ەلدەرىنە قاتىستى بولىپ وتىر. باسقا ەلدەردە قاۋىپ ورتاشا جانە تومەن. قازاقستان مايمىل شەشەگىنىڭ تارالۋ قاۋپى بويىنشا نەعۇرلىم تومەن ەلگە جاتادى»، - دەدى ايجان ەسماعامبەتوۆا و ك ق- دە وتكەن بريفينگىدە.
سونداي-اق، مينيستر ورىنباسارى مايمىل شەشەگىنە قاتىستى ۆاكسينا الۋ ماسەلەسىن قوزعادى.
«ءبىز 80-جىلدارعا دەيىن تابيعي شەشەككە قارسى ۆاكسينا الدىق. تابيعي جانە مايمىل شەشەگى ۆيرۋسى ءبىر-بىرىمەن تىعىز بايلانىستى. سوندىقتان، عالىمداردىڭ پىكىرىنشە، تابيعي شەشەككە قارسى ۆاكسينا العاندار مايمىل شەشەگى قاۋپىنەن قورعالعان دەپ سانالادى. ولار ينفەكسيا جۇقتىرعان جاعدايدا اۋرۋ جەڭىل وتەدى. مايمىل شەشەگى ۆيرۋسىنا قارسى ۆاكسيناتسيالاۋعا قاتىستى د د ۇ- نىڭ ناقتى ۇسىنىسى بار»، - دەيدى ول.
ونىڭ ايتۋىنشا، مايمىل شەشەگى ۆيرۋسىنا قارسى بۇكىل حالىقتى ۆاكسيناتسيالاۋدىڭ قاجەتى جوق.
«ويتكەنى، ۆيرۋس وتە تىعىز بايلانىس بولعاندا عانا جۇعادى. سايكەسىنشە، ول قوعامدا تەز قارقىنمەن تارالمايدى. مايمىل شەشەگىنە قارسى ۆاكسينانى ونى جۇقتىرعان اداممەن وتە جاقىن بايلانىس بولعاندا عانا الۋعا بولادى. سونداي-اق، مايمىل شەشەگى ۆيرۋسىن جۇقتىرعان ناۋقاستاردى ەمدەيتىن مەديتسينا ماماندارىنا ۆاكسينا الۋعا كەڭەس بەرىلەدى»، - دەدى ا. ەسماعامبەتوۆا.
ايتا كەتسەك، قازىر ورتالىق كوممۋنيكاتسيالار قىزمەتى الاڭىندا ەلىمىزدەگى ەپيدەميولوگيالىق جاعدايعا قاتىستى باسپا ءسوز ءماسليحاتى ءوتىپ جاتىر.
بريفينگىدە بەلگىلى بولعانداي شىلدە ايى باستالعالى 3 قازاقستاندىق كوروناۆيرۋستان قايتىس بولدى. سونىمەن قاتار، قازىر الەمدە وميكرون شتامىنىڭ ءورشىپ تۇرعانى ايتىلدى. سونداي-اق، ەلىمىز 300 مىڭ دوزا Pfizer ۆاكسيناسىن ساتىپ الۋ بويىنشا كەلىسىم جۇرگىزىپ جاتىر.
ەلىمىزدىڭ دەنساۋلىق ساقتاۋ مينيسترلىگى كوروناۆيرۋسقا قارسى جاڭا پرەپاراتتى كلينيكالىق حاتتاماعا ەنگىزۋدى قاراستىرىپ جاتقانى دا ءمالىم ەتىلدى.
