قاسىم-جومارت توقايەۆ شاۆكات ميرزيەيەۆپەن تەلەفون ارقىلى سويلەستى

نۇر-سۇلتان. قازاقپارات - مەملەكەت باسشىسى قاسىم-جومارت توقايەۆ وزبەكستان پرەزيدەنتى شاۆكات ميرزيەيەۆپەن تەلەفون ارقىلى سويلەستى، دەپ حابارلايدى اقوردانىڭ باسپا ءسوز قىزمەتى.

قاسىم-جومارت توقايەۆ شاۆكات ميرزيەيەۆتى تۋعان كۇنىمەن قۇتتىقتاپ، وزبەكستان حالقىنىڭ يگىلىگى جولىنداعى جاۋاپتى مەملەكەتتىك قىزمەتىنە تابىس تىلەدى.

مەملەكەت باسشىسى وزبەكستان پرەزيدەنتىنىڭ ەكى ەل اراسىنداعى ستراتەگيالىق سەرىكتەستىكتى، دوستىق جانە تاتۋ كورشىلىك قاتىناستاردى نىعايتۋعا قوسقان جەكە ۇلەسىن اتاپ ءوتتى.

سونىمەن قاتار ەكىجاقتى ىنتىماقتاستىق ماسەلەلەرى مەن الداعى ۋاقىتتا وتەتىن جوعارى دەڭگەيدەگى كەزدەسۋلەردىڭ كەستەسىن قاراستىردى.