پرەزيدەنت ۇلتتىق بانك باسشىسىنا ينفلياتسيانى تەجەۋ جۇمىسىن كۇشەيتۋدى تاپسىردى

نۇر-سۇلتان. قازاقپارات - پرەزيدەنت قاسىم-جومارت توقايەۆ ۇلتتىق بانك ءتوراعاسى عالىمجان ءپىرماتوۆتى قابىلدادى، دەپ حابارلايدى اقوردا.

مەملەكەت باسشىسىنا ۇلتتىق بانكتىڭ بيىلعى قاڭتار-ماۋسىم ايلارىندا جۇزەگە اسىرىلعان اقشا- كرەديت ساياساتىنىڭ الدىن الا قورىتىندىلارى تۋرالى ەسەپ بەرىلدى.

ۇلتتىق بانك ءتوراعاسى پرەزيدەنتكە ينفلياتسياعا قاتىستى بولجامدار، تۇتىنۋ باعالارىن تۇراقتاندىرۋعا باعىتتالعان شارالار، ەلىمىزدىڭ حالىقارالىق رەزەرۆتەرىنىڭ قازىرگى جاي-كۇيى تۋرالى ايتتى.

كەزدەسۋ سوڭىندا مەملەكەت باسشىسى ينفلياتسيانى تەجەۋ جۇمىستارىن كۇشەيتۋدى جانە اقشا-كرەديت ساياساتىنىڭ تيىمدىلىگىن ارتتىرۋدى تاپسىردى.