پرەزيدەنت و ا ەلدەرىن قازاقستان - تۇرىكمەنستان - يران تەمىرجولىن بەلسەندىرەك پايدالانۋعا شاقىردى

«ءوز تاراپىمىزدان ارىپتەستەرىمىزدى «قازاقستان - تۇرىكمەنستان - يران» تەمىرجولىن بەلسەندىرەك پايدالانۋعا شاقىرامىن. بۇل - شىعىس ازيا مەن پارسى شىعاناعىنداعى ەلدەردىڭ اراسىن جالعايتىن ەڭ قىسقا جول. جۋىقتا يرانعا جاساعان ساپارىمدا قازاقستاننان تۇرىكمەنستان مەن يران ارقىلى تۇركياعا ءجۇس تاسيتىن كونتەينەرلى پويىز ىسكە قوسىلدى. بۇل لوگيستيكالىق شەشىم 6 مىڭ شاقىرىمنان اساتىن جولدى 12 كۇندە ەڭسەرۋگە مۇمكىندىك بەرەدى»، - دەدى قازاقستان باسشىسى.

سونداي- اق، قاسىم- جومارت توقايەۆ ورتالىق ازيا ەلدەرى تاياۋ شىعىس پەن ەۋروپا ەلدەرىنىڭ نارىعىنا قازاقستاننىڭ اقتاۋ جانە قۇرىق پروتتارى ارقىلى شىعا الاتىنىن اتاپ ءوتتى.

«ءبىزدىڭ ەلدەرگە ءوز ارامىزداعى كولىك كوممۋنيكاتسياسىن دامىتۋ ماسەلەلەرىن دە ۇمىتۋعا بولمايدى. قازىرگى تاڭدا ءبىز وزبەكستانمەن بەلسەندى ارىپتەستىك ورناتىپ جاتىرمىز.

«داربازا- ماقتارال» تەمىرجول جەلىسىن ىسكە قوسۋ بەكەتتەردىڭ وتكىزۋ مۇمكىندىگىن 2 ەسە ارتتىرامىز، بۇل جۇك تاسىمالىنىڭ ۋاقىتىن 1,5 ەسە قىسقارتادى. سونداي- اق، «تۇرىكمەنباشى - قارابوعاز - قازاقستان شەكاراسى» باعىتىنداعى اۆتوجول قۇرىلىسىنىڭ جوباسىن دا قولدايمىز. 2025 -جىلدان باستاپ «جاڭاوزەن- تۇرىكمەنستان باعىتىنداعى اۆتوموبيل جولىنىڭ كۇردەلى جوندەۋ جۇمىستارىن باستاۋ جوسپارلانىپ وتىر»، - دەدى پرەزيدەنت.

مەملەكەت باسشىسى قاسىم- جومارت توقايەۆ كولىك لوگيستيكاسىنداعى تاريف ساياساتىن وڭتايلاندىرۋدى ۇسىندى.

«بۇل سالاداعى ارەكەتتەرىمىزدى ۇيلەستىرىپ وتىرۋ ارقىلى كولىك- لوگيستيكالىق جوبالارىمىزدىڭ تيىمدىلىگىن ارتتىرار ەدىك. سوندىقتان ۇكىمەتتەرىمىز تاريف ساياساتىن وڭتايلاندىرۋ جانە اكىمشىلىك پروتسەدۋرالاردى وڭايلاتۋ باعىتىندا ءوزارا تىعىز جۇمىس ىستەۋى كەرەك»، - دەدى قاسىم- جومارت توقايەۆ ورتالىق ازيا مەملەكەتتەرى باسشىلارىنىڭ IV كونسۋلتاتيۆتىك كەزدەسۋىندە.

پرەزيدەنتتىڭ پايىمىنشا، ايماق ەلدەرىنىڭ امبيتسياسى ورتالىق ازيانى قۇرلىقتاعى كوپىر جانە شيكىزات جەتكىزۋشى رەتىندە تانىتۋمەن شەكتەلمەۋى قاجەت.

«ىرگەتاسى ورنىققان ەكونوميكالىق مودەل قۇرۋ اۋقىمدى يندۋستريالاندىرۋدى جانە ەكونوميكانىڭ پەرسپەكتيۆالى سالالارىندا ءاردايىم الدىڭعى قاتاردا ءجۇرۋدى تالاپ ەتەدى»، - دەدى مەملەكەت باسشىسى.

ايتا كەتەيىك، قىرعىز رەسپۋبليكاسىنىڭ شولپان- اتا قالاسىندا ورتالىق ازيا مەملەكەتتەرى باسشىلارىنىڭ IV كونسۋلتاتيۆتىك كەزدەسۋى ءوتىپ جاتىر. جيىنعا قازاقستان، قىرعىزستان، تاجىكستان، تۇرىكمەنستان، وزبەكستان كوشباسشىلارى قاتىسۋدا.

اۆتور: ەسىمجان ناقتىباي