ورتالىق ازيا ەلدەرىنىڭ باسشىلارى دوستىق، تاتۋ كورشىلىك جانە ىنتىماقتاستىق تۋرالى تاريحي قۇجاتقا قول قويادى
«گەوساياسي تۋربۋلەنتتىلىك جاعدايى مەن الەم ەكونوميكاسى ورنىقسىز بولىپ تۇرعان كەزەڭدە ءوتىپ جاتقان كەزدەسۋىمىز ورتالىق ازيا ەلدەرىنىڭ ۇيىمشىلدىعىن كورسەتىپ، جاڭا سىن- قاتەرلەرگە بىرلەسىپ قارسى تۇرۋعا دەگەن ۇمتىلىسىمىزدى ايعاقتايدى»، - دەدى مەملەكەت باسشىسى.
پرەزيدەنتتىڭ ايتۋىنشا، ورتالىق ازيا ەلدەرىنىڭ ەرەكشە سيپاتتاعى قارىم- قاتىناسى بۇگىن قابىلداناتىن XXI عاسىردا ورتالىق ازيانى دامىتۋعا باعىتتالعان دوستىق، تاتۋ كورشىلىك جانە ىنتىماقتاستىق تۋرالى مازمۇنى مەن تاريحي پەرسپەكتيۆاسى بىرەگەي شارتتا بەكىتىلگەن.
«بۇل تاريحي قۇجات ءبىزدىڭ بەسجاقتى ستراتەگيالىق ارىپتەستىگىمىزدىڭ جاڭا كەزەڭىن بىلدىرەدى. قازاقستان ورتالىق ازيانىڭ الەم ارەناسىنداعى ءرولىن ارتتىرۋعا، وڭىرلىك ارىپتەستىكتى جان- جاقتى نىعايتۋعا باعىتتالعان ستراتەگيالىق باعىتىنا ادال بولاتىنىن سەندىرگىم كەلەدى»، دەدى قاسىم- جومارت توقايەۆ .
ق ر پرەزيدەنتى قاسىم- جومارت توقايەۆ ورتالىق ازيا مەملەكەتتەرى باسشىلارىنىڭ كونسۋلتاتيۆتىك كەزدەسۋىنە كورشىلەس ەلدەردىڭ دە وكىلدەرىن شاقىرۋدى ۇسىندى.
«وڭىردەن تىس ستراتەگيالىق ارىپتەستەرمەن ىنتىماقتاستىققا قاتىستى ايتار بولسام، وندا قازاقستان كوپجاقتى فورمات اياسىندا ورتالىق ازيا مەملەكەتتەرىنىڭ ءوزارا ءىس- ارەكەت تۇجىرىمداماسىن قابىلداۋ مۇمكىن دەپ سانايدى. مەنىڭشە، ءبىز بەلگىلى ءبىر گەوگرافيالىق شەكپەن تۇيىقتالىپ قالماۋىمىز قاجەت. ورتالىق ازيا باسشىلارىنىڭ كونسۋتاتيۆتىك كەزدەسۋى جۇمىسىنا شاقىرىلعان قوناق رەتىندە وزگە كورشىلەس ەلدەردىڭ ماسەلەن، رەسەي مەن قىتايدىڭ جوعارى وكىلدەرى قاتىسا الار ەدى»، - دەدى قازاقستان پرەزيدەنتى ورتالىق ازيا مەملەكەتتەرى باسشىلارىنىڭ IV كونسۋلتاتيۆتىك كەزدەسۋىندە.
