ورتالىق ازيا بەيبىتشىلىك پەن گۇلدەنۋدىڭ اۋقىمدى ايماعى بولۋى ءتيىس – ق ر پرەزيدەنتى
«كۇن ءتارتىبىنىڭ باستى ماسەلەسى قاۋىپسىزدىك پەن ديپلوماتيا سالاسىنداعى ءوزارا ءىس- ارەكەتتى نىعايتۋ بولىپ قالا بەرمەك. بۇل ورتالىق ازيا حالىقتارىنىڭ گۇلدەنۋى ءۇشىن ءتيىستى شارتتاردى قامتاماسىز ەتۋ ماقساتىندا وتە قاجەت. ورتالىق ازيا ءوڭىرى تۇراقتى الەۋمەتتىك- ەكونوميكالىق دامۋ، جان- جاقتى ىنتىماقتاستىق، بەيبىتشىلىك پەن گۇلدەنۋدىڭ اۋقىمدى ايماعى بولۋى ءتيىس»، - دەدى قازاقستان پرەزيدەنتى.
مەملەكەت باسشىسى قاۋىپسىزدىككە قاتەردىڭ الدىن الۋ جونىندەگى شەشىمدەردى بىرلەسىپ ازىرلەۋ ءۇشىن ەلدەردىڭ قاۋىپسىزدىك كەڭەستەرى حاتشىلارىنىڭ تۇراقتى كونسۋلتاتسياسى تەتىگىن ىسكە قوسقان ءجون ەكەندىگىن باسا ايتتى.
«سونىمەن قاتار وڭىرلىك جانە حالىقارالىق ماسەلەلەردىڭ نەگىزگى پروبلەمالارى بويىنشا كەلىسىلگەن ادىستەر ازىرلەۋ ءۇشىن سىرتقى ىستەر مينيسترلەرىنە جارتى جىلدا كەمىندە ءبىر رەت تۇراقتى تۇردە كەزدەسۋلەرىن تاپسىرۋدى ۇسىنامىن»، - دەدى قاسىم- جومارت توقايەۆ.
