16:54, 20 - شىلدە 2022 | GMT +5
قاسىم- جومارت توقايەۆ قىرعىزستاننىڭ شولپان- اتا قالاسىنا ۇشىپ باردى
شولپان- اتا. قازاقپارات - پرەزيدەنت قاسىم- جومارت توقايەۆ ورتالىق ازيا مەملەكەتتەرى باسشىلارىنىڭ 21-شىلدەدە وتەتىن IV كونسۋلتاتيۆتىك كەزدەسۋىنە قاتىسۋ ءۇشىن شولپان- اتا قالاسىنا (قىرعىزستان) باردى، دەپ حابارلايدى قازاقپارات.
مەملەكەت باسشىسىن اۋەجايدان قىرعىز رەسپۋبليكاسى مينيسترلەر كابينەتىنىڭ ءتوراعاسى - پرەزيدەنت اكىمشىلىگىنىڭ باسشىسى اقىلبەك جاپاروۆ، قىرعىز رەسپۋبليكاسى ترانسپورت ءمينيسترى ەركينبەك وسويەۆ، قىرعىز رەسپۋبليكاسى سىرتقى ىستەر ءمينيسترىنىڭ ءبىرىنشى ورىنباسارى نۋران نيازاليەۆ قارسى الدى.
پرەزيدەنت باسپا ءسوز قىزمەتىنىڭ مالىمەتىنشە، جيىندا قازاقستان، قىرعىزستان، تاجىكستان، تۇرىكمەنستان، وزبەكستان كوشباسشىلارى الەمدەگى قازىرگى گەوساياسي جانە ەكونوميكالىق احۋالعا بايلانىستى وڭىرلىك ينتەگراتسيانىڭ پەرسپەكتيۆالارىن قاراستىرماق. سامميت قورىتىندىسى بويىنشا بىرنەشە قۇجاتقا قول قويىلادى دەپ جوسپارلانعان.
