16:16, 20 - شىلدە 2022 | GMT +5
مەكتەپ وقۋشىلارىنىڭ جازعى كانيكۋل ۋاقىتى قىسقارۋى مۇمكىن
نۇر- سۇلتان. قازاقپارات - ەلىمىزدە مەكتەپتەردەگى وقۋ جىلىندا جازعى كانيكۋل كۇندەرى قىسقارىپ، وقۋ ماۋسىمى ۇزارماق.
بۇل تۋرالى مەكتەپكە دەيىنگى جانە ورتا ءبىلىم بەرۋ كوميتەتىنىڭ ءتيىستى بۇيرىعى اشىق تالقىعا شىعارىلدى، دەپ حابارلايدى قازاقپارات ءتىلشىسى.
«2022-2023-وقۋ جىلىندا مەكتەپتەرگە قوسىمشا ەكى وقۋ اپتاسى قوسىلدى. ول ءبىر كۇن ىشىندەگى ساباقتار سانىن قىسقارتۋعا، بەس كۇندىك وقۋ اپتاسىن ىسكە اسىرۋعا، كۇردەلى تاقىرىپتاردى زەردەلەۋ قارقىندىلىعىن تومەندەتۋگە مۇمكىندىك بەرەدى. جازعى كەزەڭدە كانيكۋل كۇندەرىنىڭ سانىن قىسقارتۋ - قۇقىق بۇزۋشىلىقتاردى ازايتۋ، ءبىلىم الۋشىلاردىڭ شامادان تىس جۇمىس ىستەۋى مەن سىرقاتتانۋ دەڭگەيىن تومەندەتۋدى كوزدەيدى»، - دەلىنگەن مەكتەپكە دەيىنگى جانە ورتا ءبىلىم بەرۋ كوميتەتىنىڭ بۇيرىعىندا.
ايتا كەتەيىك، بۇل ۋاقىتقا دەيىن ساراپشىلار مەن مەكتەپ وكىلدەرى وقۋ جىلىن ماۋسىم ايىنىڭ سوڭىنا دەيىن ۇزارتۋدى ۇسىنعانىن حابارلاعان ەدىك.
