كوروناۆيرۋسقا قاتىستى شەكتەۋ شارالارىن ەنگىزۋ شارتتارى قايتا قارالدى

نۇر- سۇلتان. قازاقپارات - ​​بۇگىن پرەمەر- ءمينيستردىڭ ورىنباسارى ەرالى توعجانوۆتىڭ توراعالىعىمەن قازاقستان رەسپۋبليكاسىنىڭ اۋماعىندا كوروناۆيرۋس ينفەكسياسىنىڭ تارالۋىنا جول بەرمەۋ جونىندەگى ۆەدومستۆوارالىق كوميسسيانىڭ وتىرىسى ءوتتى، دەپ حابارلايدى قازاقپارات ۇكىمەتتىڭ تەلەگرام- ارناسىنا سىلتەمە جاساپ.

قازاقستاندا سوڭعى اپتادا كوروناۆيرۋس ينفەكتسياسىن جۇقتىرۋ جاعدايلارى 3,2 ەسە ءوستى. ولاردىڭ %89 عا جۋىعى ەكپە الماعان جانە سوڭعى 6 ايدا ريەۆاكتسيناتسيادان وتپەگەن. COVID-19 بويىنشا حالىققا مەديتسينالىق كومەكتىڭ كورسەتىلۋىنە نۇر- سۇلتان قالاسىنداعى ب م س ك ۇيىمدارىنا بارۋ ارقىلى جۇرگىزىلگەن مونيتورينگ ناتيجەلەرى بەلگىلى بولدى.

قالانىڭ 8 ەمحاناسىندا جۇرگىزىلگەن مونيتورينگ ەمحانالاردىڭ %12 دا (جەكە مەديتسينالىق ۇيىمدار) سۇزگى- كابينەت جۇمىسىنىڭ ۇيىمداستىرىلماعانىن، COVID-19 جۇقتىرعان ناۋقاستارعا قاشىقتان مونيتورينگ جۇرگىزىلمەيتىنىن، دەزينفەكسيا، ماسكا رەجيمى، الەۋمەتتىك قاشىقتىق ساقتالمايتىنىن كورسەتتى. ۆيتسە- پرەمەر ەرالى توعجانوۆ نۇر- سۇلتان قالاسى اكىمدىگىنە COVID-19 جۇقتىرعان ناۋقاستارمەن جۇمىس جۇرگىزۋ الگوريتمىن ساقتامايتىن مەديتسينالىق ۇيىمدارعا ءتيىستى شارا قابىلداۋدى جانە وسىنداي تەكسەرۋلەردى بارلىق وڭىردە جۇرگىزۋدى تاپسىردى. ماتريتسانىڭ وزەكتەندىرىلگەنى ەسكەرىلە وتىرىپ، ەپيدەميولوگيالىق احۋال ناشارلاعان جاعدايدا شەكتەۋ شارالارىن ەنگىزۋ شارتتارى قايتا قارالدى. ءوڭىر جاسىل ايماقتا بولىپ، ءبىراق «R» سانى جوعارى بولسا، جابىق ورىندار مەن قوعامدىق كولىكتە ماسكا تاعۋ ۇسىنىلادى. ءوڭىر سارى ايماققا اۋىسقان جاعدايدا:

- ناۋقاسپەن بايلانىستا بولعانداردى قاشىقتان جۇمىس ىستەۋگە اۋىستىرۋ؛

- COVID-19 جۇقتىرعان ناۋقاسپەن بايلانىستا بولعان ۆيرۋسقا قارسى ەكپەگە قارسى كورسەتىلىمدەرى بار قىزمەتكەرلەردى قاشىقتان جۇمىس ىستەۋگە اۋىستىرۋ؛

- ءبىلىم بەرۋ ۇيىمدارىندا توپتاردى بىرىكتىرە وتىرىپ، ءىس- شارالاردى وتكىزۋدى بولدىرماۋ (توپتاردا ءىس- شارالاردى وتكىزۋگە رۇقسات ەتىلەدى)؛

- وبەكتىلەردە سانيتارلىق- دەزينفەكتسيالىق رەجيمدى ساقتاۋ، وبەكتىلەردە ءۇي- جايلاردى كۇندەلىكتى ىلعالدى جيناۋ جانە جەلدەتۋ.

مەديتسينالىق ماسكالاردى تاعۋعا كەڭەس بەرۋ:

- حالىق كوپ جينالاتىن ورىنداردا (اۋەجايلار، تج ۆوكزالى، اۆتوۆوكزالدار، بازارلار، س و س و، ساۋدا ۇيلەرى، تەاترلار، كينوتەاترلار، ح ق ك و، بانكتەر، كورەرمەندەردى قاتىستىرا وتىرىپ وتكىزىلەتىن سپورتتىق شارالار)؛

- ۇيىمداسقان ۇجىمداردا؛

كولىكتىڭ بارلىق تۇرىندە (قوعامدىق كولىك، اۋە، ت ج، حالىقارالىق اۆتوبۋس تاسىمالدارى). وتىرىس سوڭىندا ە. توعجانوۆ مەملەكەتتىك ورگاندار مەن اكىمدىكتەرگە حالىقتى ۆاكسيناتسيالاۋ جانە ريەۆاكسيناتسيا جاساتۋ جۇمىستارىن جانداندىرۋدى، سونداي- اق حالىق اراسىندا كەڭىنەن ءتۇسىندىرۋ جۇمىستارىن جۇرگىزۋدى تاپسىردى.