قازاقستان ەۋرووداق ەلدەرىمەن ەكونوميكالىق ىنتىماقتاستىقتى كەڭەيتۋگە نيەتتى - ءاليحان سمايىلوۆ
شاراعا ەۋروپالىق وداقتىڭ قازاقستانداعى وكىلدىگىنىڭ باسشىسى، گەرمانيا، فرانسيا، يسپانيا، ليتۆا، پولشا، بەلگيا، شۆەتسيا، سلوۆاكيا، ەستونيا، حورۆاتيا، نيدەرلاند، بولگاريا، چەحيا، لاتۆيا، فينليانديا، يتاليا، اۋستريا، گرەكيا جانە رۋمىنيانىڭ ەلىمىزدەگى ەلشىلەرى، سونداي- اق ورتالىق مەملەكەتتىك ورگاندار مەن ۇلتتىق كومپانيالاردىڭ باسشىلارى قاتىستى.
وتىرىس باسىندا ق ر پرەمەر- ءمينيسترى ەۋروپالىق وداق كوپ جىلدار بويى قازاقستاننىڭ نەگىزگى ساياسي، ساۋدا- ەكونوميكالىق جانە ينۆەستيتسيالىق سەرىكتەستەرىنىڭ ءبىرى ەكەنىن اتاپ ءوتتى. ماسەلەن، قازاقستان مەن ە و ەلدەرى اراسىنداعى تاۋار اينالىمى 2022 -جىلدىڭ 6 ايىندا $20,1 ميلليارد قۇرادى. بۇل 2021 -جىلدىڭ سايكەس كەزەڭىمەن سالىستىرعاندا %51,2 عا كوپ. 1-توقساننىڭ قورىتىندىسى بويىنشا جالپى شەتەلدىك ينۆەستيتسيالاردىڭ ەلگە كەلۋى %54 عا ارتىپ، $6,8 ميلليارد قۇرادى. بۇل ورايدا تاۋ- كەن ءوندىرۋ ونەركاسىبىنە كاپيتال تارتۋ دەڭگەيى %35,7 عا ءوسىپ، $3,5 ميلليارد قۇرادى.
«ءبىز ەۋرووداقتىڭ قازاقستاننىڭ تاۋ- كەن ونەركاسىبىنە قىزىعۋشىلىق تانىتىپ وتىرعانىن كورىپ وتىرمىز. وسى سالاداعى ىنتىماقتاستىقتىڭ الەۋەتى زور. وسىعان بايلانىستى ەۋروپالىق وداق ەلدەرىنىڭ گەولوگيالىق قىزمەتتەرىن سيفرلاندىرۋ، گەولوگيا عىلىمىن دامىتۋ جانە سالالىق ينفراقۇرىلىم سالاسىندا سەرىكتەس بولۋعا شاقىرامىز»، - دەدى ءاليحان سمايىلوۆ.
پرەمەر- مينيستر سالانى اۆتوماتتاندىرۋ اياسىندا جەر قويناۋىن پايدالانۋ سالاسىنداعى بارلىق قولدانىستاعى اقپاراتتىق جۇيەلەردى بىرىكتىرۋ جانە ينتەگراتسيالاۋ ارقىلى Kaznedra ءبىرىڭعاي پلاتفورماسى قۇرىلاتىنىن اتاپ ءوتتى. بۇل پلاتفورما ينۆەستورلارعا «ءبىر تەرەزە» رەجيمىندە كەشەندى سەرۆيستىك قىزمەت كورسەتۋگە ىقپال ەتەتىن بولادى. سونىمەن قاتار ۇكىمەت باسشىسى گەولوگيالىق بارلاۋ جۇمىستارىنىڭ ءداستۇرلى تۇرلەرىمەن قاتار، قازاقستاندى گەوفيزيكالىق زەرتتەۋلەردىڭ وزىق ادىستەرى قىزىقتىراتىنىن اتاپ ءوتتى.
«وسى مۇمكىندىكتى پايدالانا وتىرىپ، قازاقستاننىڭ ەۋرووداق ەلدەرىمەن ەكونوميكالىق ىنتىماقتاستىقتى كەڭەيتۋ جانە نىعايتۋ جونىندەگى نيەتىنىڭ ناقتى ەكەنىن تاعى دا راستاعىم كەلەدى»، - دەدى ءاليحان سمايىلوۆ.
وتىرىس بارىسىندا قاتىسۋشىلار پايدالى قازبالاردى ءوندىرۋ، جاڭا تەحنولوگيالاردى قولدانۋ، گەولوگيالىق دەرەكتەردى سيفرلاندىرۋ، ينۆەستيتسيالار تارتۋ، ونەركاسىپ قالدىقتارىن قايتا وڭدەۋ جانە قورشاعان ورتانى قورعاۋ ماسەلەلەرىن تالقىلادى.
